البروكلي من مطبخي و بطريقتي مممم بنين 2024.

اولا
تغلي البروكلومع شوي ملح و فلفل اكحل بعد ماتنضفيه

ثم في صحن تخلطي 2 بيضات +ملح+فلفل اكحل+معدنوس مقطع رقيق+ثوم مرحي او بودر+م ك فرينة

ثم تمردي البركلو فالخليط و تقليه حتى يحمار شوي

ثم تعملي المرق تاعك عادي كيما تعملي اي مرق
يعني لحم او دجاج
بصل
ثوم

زيت
فلفل اكحل
ملح
معدنوس
و إدا حابة المرقة حمرا
ضيفي الطماطم و الدبشة و انزعي المعدنوس
لعلمك فقط انا
الكرافس ميكست نديرها للمرقة البيضا و الحمرا
اما المعدنوس للبيضا فقط
و الدبشة للحمرا فقط
وانا اليوم درتو بالمرقة بيضا
يعني لازم المعدنوس و الليمون لاااااااااااااااازم
و كي طيب المرقة حطي البروكلو تاعك و سقي عليه المرقة و هي سخونة و دوقي البنة امممممممم

آآآآآآآآآآآآآه نسيت ماحاطيتش عليه معدنوس مقطع و زربت صورتو
ماعليش المهم ماتنساوش انتوما
معلومة مهمة جدا للذين لا يحبون البروكلي
مهم جدا للمخ لأن اي شيئ يشبه المخ فهو مفيد له و خاصة للأطفال الصغار ينمي لهم الذاكرة و الذكاء
فهو حقا مفيد جدا

السلام عليكم و رحمة الله تعالى و بركاته
يشبه بزاف اللي نديرو أنا الفرق مع الاخير انا نديرو في المرقة و نديرو البيض
شكرا على الوصفة

يعطيك الصحة أختي، أنا تاني نحبو مع لاصوص

nmut 3lih ya3tik saha 3la alwasfa ladhidha

هدا وقتو حتى انا عملو مقلي بنفس الطريقة
زوجي يحبو سلاطة
الله يعطيك الصحة

يعطيك الصحة ديريه كمى انا

bsahtak

بصحتك العشاء حبيبتي ام منذر