مسمن من مطبخي 2024.

2 اعبار سميد
عبر فرينة
ملح
ماء دافيء
في قصعة نحط سميد + فرينة + ملح و نلمهم بالماء الدافئ و ندلك العجينة مليح
نقسمها كريات صغار ندهنها بالزيت نغطيها ببلاستيك و نخليها ترتاح
من جهة اخرى نحضر خليط نذوب السمن فوق النار
مين نحيه من فوق النار نحطله كيس خميرة الحلوى و قليل من السميد
بعد ما ترتاح العجينة جيدا نرجعلها
نكسل كرية نستعمل الزيت لتسهيل العملية و ندهنها بالخليط و نطويها
نزيد كرية اخرى نكسلها و ندهنها بالخليط و نحط في وسطها الكرية الاولى يعنى راهم عندي 2
نزيد نفتح كرية ثاثة ندهنها بالخليط و نحط في وسطها الاولى و االثانية يعني مسمنة فيها 3
نطويها و نخليها تنزل شويا

و بعدها نقرصها و نحطها طيب فوق طاجين سخون على طابونة او ريشو كل واحد كيفاش يسميها
و نكمل باقي الكريات بنفس الطريقة

مشاء الله يعطيك الصحة بصحتكم

اممممممممممم جوعتيني عندي بزاف ماكليتوش تسلمي

يصح بدنك حبيبتي ام ندى
ذكريات اختي الله يسلمك و يعزك
شكرا على المرور

الله يعطيك الصحة
نبغيه بزاااااااااااااف ،راح ندي حبة،ههههههههههه

امممم يشهيووو
يعطييك الصحة

ماشاء الله
يعطيك الصحة عبيييييييييييير

سخفتيني …..!!!!!!!
يعطيك الصحة عبير

تصح ابدانكم يا رب حبيبااااااتي
شكرا على ردودكن الطيبة