سامحته و عدنا و لكن 2024.

كنت حكيت لكم من قبل عن مشكلتي مع خطيبي انا سامحته و عدنا لبعض لكن هو اصبح يقول لي
راكي تهدري معايا بالبارد و مازال ماسامحتنيش و ماراكيش مامنتني
قتلو انا ياخي قتلت السماح بصح مانقدرش ننسي الي صرا بين ليلة و نهار رازمني وقت صراحة تعبت و عييت من التصرفات
نتاعو انا قتلو باللعقل و مع الوقت بشوية لازم تبينلي ايضا بلي راك صح تبدلت هو ماحبش يفهم عدنا مانهدروش مع بعض

انا صراحة مانعيطش خلاص لانو خيب املي فيه قلبي برد صراحة من جيهتو قبل كنت مانسمعش صوتو نهار نهبل درك عادي
جدا حتي اني كي يعيطلي مانحبش نحكي معاه ياسر و هو تقلق من هدا الوضع و قلقني معاه واش ندير انصحوني

اختي العزيزة ….مادام ماراكيش مطمنة من جهتو علاش ما تحبسيش كلش قبل ما تطفر ..وتولي تقولي ياندامتي
اذا قلبك برد من جهتو كيفاش راكي رايحة تعيشي معاه
انا هذا رايي وشفي الاخوات واش ينصحوك

راني بين و بين خايفة نحبس و نندم و خايفة نكمل و نندم قلت انا بالاكش فترة و تفوت لاكن لم يتغير شيء
الوضع هو هو

السلام عليكم اختي انا ماعلاباليش اذا راكي عاقدة ولالا ؟ اذا كنتي عاقدة لعقد الشرعي ولمدني خصوصا راه يصعب عليك تفارقيه ويجوزلك تحكي معاه وتفهميه بلي هذا شيئ لراه يدير فيه مراحش يخرج على خير ولازم يسقم روحوا اما اذا كنتي ماكيش عاقدة في لبلدية راه ساهل تنسحبي من الان افضل راكي تقولي مكاش احترام بيننا واساس الزواج الاحترام والحب معا اذا نقص واحد مراحش زواج يدوم ونتي ماعليك غير بالاستخارة كل يوم وربي يفتح عليك وينور طريقك

اختي احنا مفتحين فقط انا لكنت كل مرة ناجل العقد المدني لاني نعرف طبايعو قلت كي يقرب العرس نعقد

طيب حبيبتي ممكن هذا افضل لك كما راكي تحكي راه يصعب لعيش معاه راكي مازلتي مادخلتيش ويعاملك بهذيك لمعاملة واش تتوقعي منوا لما يعقد عليك غير استخيري وربي يفتح عليك بزوج افضل منوا راهم رجال بزاف ماشاء لله عندهم عقل ودين واحترام ويعرفوا حق المراة

اختي صلي صلاة الاستخارة احسن
قبل ما يطيح الفاس في الراس
و ان كان مكتوبك تديه غير هو و ان كان لا ربي شايف فيها خير
لان ربي هو الادرى حنا منقدروش نقوللك ديري حتى تصرف
ربي يسقم الاحوال انشاء الله

المسامحة حسب الخطأ اختي كيما قالوا الأخوات الكريمات استخيري وربي ينور لك طريقك ان شاء الله

انا نقولك تندمى دروك احسن الف مره ملى تندمى بعد الزواج
وانتى ادرى بيه ادا شفتى بلى هو انسان طيب ومتخلق سامحيه وشدى فيه
وادا كان عيوبه اكتر من حسناته انقولك نصيحه قعدى عزباء وقارعى لولد الحلال خيرلك
والى فيها الخير ربي يجيبهالك ان شاء الله اختى