اللي راهي تعاني من مشكل البعد تعاوني 2024.

اخواتي في الله انا استاذة متعاقدة عمري 24 عام من سطيف و مخطوبة لشاب من ولاية الطارف يعمل ضابط في الدرك الوطني هدرت معاه وحد المرة على السكنة هو راه يبني في دارو وحدو بعيد على دارهم بصح مازال ما كملش راه يبني بالشوية , ايا سقسيتو قتلو كي نتزوجو ان شاء الله ياك نسكن معاك في السكنة نتاع الخدمة قالي لا لا نخليك في دارنا في الطارف و كل شهرين نروّح عندك ايا زعفت و قتلو غير هاذي اللي ما نقبلهاش يا بنات احسنو عوني انا من سطيف يعني رايحة نبعد على دارنا ب 400 كيلومتر و هو الوحيد اللي مداصراتو بزااااف يعني لوكان يخليني و يروح ما نعرفش نعيش وحدي بلا بيه ولاية بعيدة و مختلفة و تاني انا مشاغبة بزاف و مانعرفش نطيب و في الويكاند نرقد حتى 12 و نموت على النت و لبستي في المنزل غير شكل , نحب ندوّش في الليل و نسهر بزاف مع النت نحب نمارس السبور يوميا ببساطة عندي طبايع مجنونة نشتي ناكل الشيبس دايما هههههه يعني كي يخليني ما كانش اللي يشريلي الشيبس ههههه مما يعني كي نكون في دارهم و حدي رايحة نمشي بنظام عسكري حتى ما يلاحظو عليا والو و هو يعرفني مليح كي قتلو قالي اصبري مش كل واحد في الدرك الوطني يتزوج يعطيوه دار ثم ثم لازم تصبري حتى يعطيوني دار قتلو شحال المدة آ الشيخ قالي واحد 4 سنين هكذاك صدقوني كنت نشرب في الما و قفلي حبسلي في القرجومة قتلو 4 سنين ما نعيشش معاك الحياة اللي متمنيتها طول يعني انت في واد و انا في واد نشوفك كي هلال العيد غير هاذي اللي ماتصراش ايا ولى يبكي و يقولي زعما هذا انتي و انا نحبك و كنت حاسبك تصبري معايا يا بنات افهموني حابة نعيش معاه حياة الأحلام خصوصا في الأيام الأولى للزواج بصح الظاهرة كلشي راح في الريح بما أنو يدخلني برك و يعطيها للخدمة و يخليني وحدي و سط ناس جدد و لهجة جديدة و عادات جديدة نقولكم حاجة كرهت حاجة وسمها الزواج ما نقدرش يبعد عليا و يخلينيييييييييييييييييي

انشاء الله يعطوه السكنة وتروحي معاه من اول زواجكم
وبالنسبة للعيشة مع دارهم أكيد راحة تتعودي خصوصا اذا انت موالية بالعيلة واللهجة عادي ما فيهاش اشكال توكلي على ربي برك وما تخمميش بزاف

اصبريييييييييييييييييييييي

والله مااعرفت واش انقلك
ياو كامل كنا مقلشين انديرو واش انحبو مي بعد الزواج كل شي يتغير
واذا اتحبيه اصبري واش اديري
ربي معاك

ياااااااااااااااااااااااااااااااااااااااااااااه ان شاء الله ان شاء الله ان شاء الله من فمك لربي يا الزينة ان شاء الله

يعطيك الصحة هاذي هي اللي مهبلتني تكوني تخمي ديري و ديري و دير و من بعد تجي حاجة تخلطلك كل شيء صح الصبر مفتاح الفرج

يا ماما اصبريييييييييييييييييييييي علاة علاه قلتيلي اصبري و طولتي حرف الياء يعني مذة الصبر طويلة و لا كيفاه ههههههههههههههههههههههههههههههههههههههه

لالالالالالالالالالالالا ان شاء الله يجمع الشممممممممممممممممممممممممممممممممممممممممممممممم ممممممممممممممممممممممممممممممممممممممل

السلام عليكم ورحمة الله وبركاته

أولا حبيبتي ماتكبريش الموضوع هذا الراجل يبغيك على حسب قولك

حاولي نحي عوايدك النوم حتى 12 اسمحيلي راك داخلة على زواج

يعني عايلة جديدة عقلية تختلف مراكيش عند امك تتقلشي كنا

عند والدينا نديرو واش نحبو لانه مكانش مسؤولية تاكلين على والدينا

يابنتي ديري مليح في بالك يكون هناك مشاكل في الاول ولكن بالصبر

والحكمة تحليهم وحدك واصبري على زوجك لكل باب مفتاح ان شاء الله

اما اللهجة تتعودي انا عاصمية وزوجي من جهتكم في الاول كاين كلمات

مانفهمهش ولكن مع الوقت كأنني زدت تم ههههههههه، حتى طياب تعلمت

طيابهم . تعلمي من المنتدى حبيبتي

هذه نصيحتي وحنا كامل رانا هنا باه نعاونوك رانا عايلة وحدة