لي تفهمني ترايي عليا و لي ما تفهمنيش ما تجرحنيش 2024.

السلام و عليكم البنات انا نعرف واحد مند 4 سنوات يحبني و انا احبه و قالي نجي نخطبك الصيف لي فات و هدرنا مع الوالدة تاعه ولكن حصل انه اشترى مسكن و الان هو يبني و يعاود فيه و الان ليس معه فلس لزواج قلت معليش ارواح اخطبني و نصبر نهار لي توجد فيه روحك قالي حنا عنا عادة غي نخطبو منا نرفدو العروسة منا اي مايطووش بزاف في الخطبة و الان راه كمل كامل المسكن وهو الان يريد يعاود الارضية dale de sole هي كاينة وحدة و راه يعاود وحدة جديدة تنقام عليه ب 14 مليون وانا مارانيش حابة نزيد نستنى اكتر من هاك عاونوني البنات واش نقوله باه ما يديرهاش و يجي يخطبني و عاونوني بدعاء ربي يجازيكم و شكرااا

السلام عليكم حبيبتي قريت قصتك ماراحش نطول عليك انا راني حاسة بيك و البنت مين تبغي واحد تتمنى تكون معاه انت عرفتيه 4 سنين انا عرفت 7 سنين و بالاخير غلطت و داني الزعاف و تزوجت بواحد اخر و الان راني في حالة المهم منطولش عليه انا صبلات عليه مشي دار dale de sole برك انا صبرت عليه بنا فيلا من تحت لفوق انا نقلك ما تسمحيش في حبك ابدا مهما صار اذا راكي عارفاته يستاهل تزيدي تصبري عليه مكاش كيما الوحدة تدي حب عمرها صبري عليه و حاولي تقنعيه بواش راكي حابة ربي يسهلك و الاهم صلي استخارة ان شاء الله تكوني زوجته ربي يهنيك حبيبتي هدا واش نقدر نفيدك سلامي

مشكورة أختي على مرورك

السلام عليكم، أختي مانيش فاهمة، راهو حاب بعاود الأرضية و هي ديجا كاينة و يقول ما عندوش باش يخطب، هادوك اللي يعاود بيهم يزيد عليهم شوية و يخطب و يديك لدارو و يبني على روحو ممبعد، لازم تحمري عينك شوية، لو كان ما عندوش معليش، بصح يقعد يلعب هكدا كيما يحب’ لالا اسمحيلي زيريه ، إذا يحبك صح راهو يحسم الأمر و يجي إن شاء الله، موفقة

والله يا اختي راهم الخيات نصحوك بلام من جوهر و انا معاهم اذا يحبك يديك و امبعد يدير واش راه حاب علاش مراهش خايف عليك يخطبوك و اهلك يمودك و انت ما تقدريش ترضي يمكن يكون من اهلك و ناس ملاح دري كيما قالت الاخت مون و ام يوسف وراح يشوف لازم تزيريه و ما تخليهم يدير واش يحب و انت راكي معلقة قوليله لازم تبين ما نقدرش نبقى هكذا

انا مع الاخت في ردها كون معندوش نقلك اصبري بصح عندو ويتحجج بالدار يديك ومبعد يكمل الدار

اختي علاه يعاو الصول و هو كاين
راه يتحجج برك زيريه و ثقلي عليه
يلا كان عينه غادي يجي و يلا كان يتمسخر غادي
بالنسبة للدعاء

ربنا انك جامع الناس ليوم لا ريب فيه فاجمعني بفلان في الحلال ان كان خيرا لي
و ان كان شرا لي فابعده عني
و قدملي الخير حيث ما كان ثم ارضني به