اخواتي ياك متعودة نحكيلكم همي بلاك كاين لي شافي علي المشكل تاعي انا عايشة مع العالية هما يخرجو كيما يحبو وانا المشكل وين راجلي يقولي كي تقلقي اخرجي علي روحك بصح انا نهاب من شيخي هو شغل هك ما يحكيش بزاف يضال مشنف ما يكثر الهدرة المهم ما يضحك ما يبكي كي نشوف معاه اديرلي حالة التهاب وباقية غير في الدار راح نهبل ما صبت كيفاه ندير يحبني غير في الدار نخدم نحس كي نخرج ما يحبش قولولي كيفاه نتعامل راح نهبل وانا نسكن بعيدة علي مالية ارشدوني الي كاش نصائح من فضلكم
العفو عايشة مع العائلة وديرلي حالة اكتئاب
الله يعينك يا اختي و الله صعيب الحال حتى انا ما نحبش التشناف ولي يرفد نيفو عليا المهم اختي اصبري و انا فهمت من كلامك راجلك هو لي يقولك اخرجي بصح ما فهمت اذا وحدك ولا مع خياتو المهم انت اتفاهمي مع راجلك واخرو انهار لي يكون ماشي خدام و روحو تحوسو من الصح للعشية و نحي على خاطرك وهذا حتى واحد ما يحكي معاك و اتقربي لخياتو ولا سلافاتك و اخرجو مع بعض ربي يعينك اختي
ربي يعينك و يعطيك الصبر باه تتحمليهم
واش نقولك مدام متفاهمة انت و راجلك افتحي الموضوع معاه قوليله يخرجك هو و بإرادته هكا مكان لا تشناف لا حاجة أخرى و إذا قبل و خرجتي و كي رجعتي لقيتهم منشفين
يعومو بحرهم و متخمي في حتى واحد ياك راجلك خرجك
و الله أختي أضربي الدنيا بطالون و ديري للعرب بوز لأن كنت تبقي تخمي رايحة تهلكي روحك
نطلب حاجة من ربي أن يدوم المحبة بينك و بين زوجك
اختي ربي معاك من حقك تخرجي مع راجللك ولامع كاش وحدة من ناس دارك وشيخك كاين لحيوط يخبط راسو هو عايش حياتو وانتي يدفنك في الحياة ربي قالك طعي راجلك ماشي شيخك ختيتي متعمريش راسك ومتقنطي ماوالو الهم راهو يتسبب كاش ميقيسك بعيد الشر عليك موفقة
اخرجي معا راجلك وخلاص متقتليش روحك على راجل خلص عمرو وعاش حياتو \احترميه وعاونيه ولكن الكلمة الاولى والاخيرة لزوجك ماشي ليه
السلام عليكم و رحمة الله تعالى و بركاته
أنا نظن مكاش أمر يقلق و كل واحد ديريلو القدر اللازم بلا مبالغة و لا تفريط
و اللي من حقو يأمرك و له أمر عليك راجلك و هذا مكان لأخرين يقولوا واش يحبوا
أنا نظن مكاش أمر يقلق و كل واحد ديريلو القدر اللازم بلا مبالغة و لا تفريط
و اللي من حقو يأمرك و له أمر عليك راجلك و هذا مكان لأخرين يقولوا واش يحبوا
أختي ما فهمتش علاش كامل يخرجو و انتي لا؟؟؟ و زيدي راجلك عطاك الإذن، إيمالا خلاص، علاش راكي تقلقي في روحك
يااختي ربي امرنا بطاعة الزوج ماشي الشيخ
صح الاحترام والقدر واجبين بصح ماشي علىحساب راحتك
مدامك اخذتي الاذن من راجلك خلاص اخرج المهم يكون الزوج على بالو
وزيد راي الاخوات تان مليح
انك تشوفي نهار مايخدمش فيه واخرجو مع بعض
صح الاحترام والقدر واجبين بصح ماشي علىحساب راحتك
مدامك اخذتي الاذن من راجلك خلاص اخرج المهم يكون الزوج على بالو
وزيد راي الاخوات تان مليح
انك تشوفي نهار مايخدمش فيه واخرجو مع بعض
اخواتي ربي يحفضكم ويوفقكم ونشكركم بزاف علي الردود القيمة الف شكر