يا رب تفرج 2024.

مساء الانوار
بعد ما اطلعت على المنتدى و سجلت فيه
جا الوقت باش نفرغ قلبي
انا امرأة عاملة 33 سنة ناجحة في عملي و الحمد لله
لكن و نعرف اللي كلشي مكتوب لحد الان ربي ما رزقنيش الزوج الصالح و امنيتي ككل امرأة نكون ام
في كل مرة يتقدملي واحد نحس انه همه الوحيد اني عاملة باش نعاونه
تمنيت يحبني شخص لداتي ماشي لعملي
مؤخرا يريد شخص التقدم لي ما كاينش نقاط مشتركة بيناتنا و عمله غير مستقر و لكن حابة نقبل لأني حسيت الوقت فات و الناس ما يرحموش
و حابة نجيب ولاد ونفرح بيهم
ريحوني وجاوبوني
صليت صلاه الاستخارة و كل مرة كيفاش نخمم

و الله محتارة

صلي وصلي اختي انشاء الله يوفقك امين قاع متقطعيش الامل

rabi yab3atlak ajawj asalih innchallah

ماراكيش كبيرة اختي واللي عندها 40 ولا 45 سنة وما تزوجتش شا تقول لا اختي ماتقيسيش روحك في النار على خاطر باش ترضي كلام الناس ولهذا صلي صلاة الاستخارة واللي فيها الخير ربي يجيبها

حبيبتي ننصحك متتسرعيش هادي مكاتيب رب العالمين وصدقيني مهوش كلام برك حاولي صلاة استخارة وهزي يديك لربي وصدقيني صدقيني موحال ربي يخذلك ادعي بصدق واتوكلي عليه وثقي بالي حيرزقك باحسن مما تتمناي
اني نسناك تقوليلي اخبار مليحة

ربي يبارك فيكم ان شاء الله
ربي يفرح كل وحدة و يرزقها واش تتمنى
شكرا على الردود

عزيزتي هذا الشخص إذا كانت أخلاق طيبة و ولد ناس ويعرف ربي علاش ما تقبليهش أما الخدمة إلي ماهيش مستقرة فهذي مشكلة الكثير من شبابنا مساكن ربي يفرج عليهم ياخي راكي تخدمي تعاونو على هم الزمان وبلاك ربي يرزقو ويثبت في خدمة المهم سقصي مليح على أخلاقو ودينو وربي يدلك للخير