ماهو حيوانك المفضل ولماذا 2024.

مساء النور

ربيتي حيوان اليف من قبل واشي هو وعلاش
انا عن نفسي ربيت الكناري علاه نموت عليهم وخصوصا الصباح كي ينوضو يصفروا والله احلى صوت عيبهم الوحيد يهردولي الدار بالماكلة نتاعهم والريش نتاعهم في كل مكان بصح نحبهم

مساء الانوار حبيبتي الحيوان اللي نحبو الكناري انا ثاني عندي 2 كيما قلتي يهردولي الدار راني صورتهملك تشوفيهم نموت عليهم

الثاني حشم دار لهيه مابغاش يصورهههههههههه

دايما منورين مواضيعي حبيباتي
اختي ام ميدو انا تاني كان عندي واحد ابيض ومات وزدت شريت واحد اصفر مات وزدت شريت واحد والله نادر
عندو لابتيت ماش والله يهبل سرقوهولي والله بكيت عليه كالولاد الصغار
اختي مون لايت والله الدلفين يهبل زينون تقول طفل صغير خسارة مكانش في بلادنا حدائق حيوان فيهم الاسماك

أنا نحب جميع الحيوانات ملي كنت صغيرة لكن الأحب إلى قلبي القطط قبل ما نتزوج كانوا ينامو معايا نحبهم بزاف وربيت منهم بزاف ، ربيت تاني العصافير نسيت أسمهم وربيت كناري حقيقة تحسي بلي إنسان كنت نهدر معاه كل صباح يعجبني غناه
بصح ماتلي وربيت الحمام . لكن ملي تزوجت نسيت كامل الحيونات خصوصا وأنو الطبيبة منعت لي القطط في الدار.
مشكورة على الموضوع .

مشكورة حبيبتي على تفاعلك الرائع باين عليك حنينة بزااف والدليل حبك لجميع الحيوانات

انا نحب كامل الحيوانات
بصح فتحت عينيا على القطط من صغري متربية معاهم في الدار ومزالنا لحد الان نربوهم
نموووووت عليهم نحسهم اذكياء ويفهمو وعندهم مشاعر كبيييرة
مشكورة حبيبتي على الموضوع الجميل

انا نحب كل انواع الحيوانات كااامل و كان عندي سمك الزينة و مقنين و 4 طيور الحب و ببغاء العزيييييز على قلبي و اكيد الحمام ديما نوكل فيهم و ما قلتلكمش حاجة انا اعتنيت بيرقات حتى تحولت فراشة و الله العظيم بلا ما نكذب عليكم و لا زدت كلمة نموت على لي الفراشات و الطبيييييعة

الله يبارك ماخليتي لا حيوان ولا حشرة واشي هاد لحنانة ماشاء الله المرة الجاية تقوليلي راني جبت نمر نربيه ههههه بالاك ديريها ربي يحفظك