تدبيرة لقاطو ضياف بشكل لائق 2024.

السلام عليكن اخواتي اليوم بغيت نخبركم بتدبيرة درتها في العيد الماضي عيد الفطر كي جيت رايحا عند جارتي والقاطو كمل عليا وهي تبغي تشوف واش صنعت للعيد املا انا واش درت **دبرتها هه**خدمت عجينة وحدة وشكلت منها شحال من نوع تماما كيما تاع العيد وهادي هي لابات لدرتها
3صفار بيض

و250غ مارقارين

ووكاس مايزينة ونصف كاس سكر ناعم و1 خمارة نوارة

وخلطت جميع المقادير ثم حليت شوية منها في قوالب باش منبعد نعمرهم

وخدمت الانواع الباقية وكي طاب زوقتو على فكرة درت من كل نوع 4 حبات

وتحصلت في النهاية على صحن متنوع شبيه القاطو لخدمتو **تايوان**

لا تتصورو فرحتي وفتخاري بنفسي انذاك ههههههههههههه

وصدقوني حظرته في فترة صباحية وفي المساء على 2 زولا كنت عند جارتي واندهشت لما اخبرتها الحقيقة انه مقلد لحلويات العيد بعجينة واحدة العجينة السحرية وقاتلي هذه فكرة نديروها كي يعيطو ظياف ويقولو رانا جاين في هذه العشية
مارايكن حبيباتي

وزوقتلها بلابات داموند والقلاصاج هذا واش اخلعها

اييييه ياالقافزة
قلتلكوم الدزيريين واعرين هههههههههههههه

هههه شكون يقدر على نورهان مدبرة المنزل المثالية

مشكورات هههههههه يقولو الحاجة ام الاختراع ولالا ههههه

والله راكي ساجية تباركالله عليك

نورهان ماخليتي فينا والو في الديكور
هده الوان واشكال مختلفة
راكي بروفيسونال تاع الصح

والله الف شكر ليكن ومزال الخير انشاء الله ونفرح كي نفيدكم يا غاليات المنتدى العزيز رعاكم الله

فحلة و قافزة هذي هي المرأة الذكية

الله يبارك شاطرة ماشاء الله عليك والله نشتعرف بيك سلكتي راسك