مشاركتي رقم 3 في ام آية 2024.

باسم الله الرحمان الرحيم

اليوم حبيت نوريلكم طريقتي لرائعة في تحمار الدجاج
نحطمو دجاجة كومبلي ما نقطعوهاش
نغسلوها بالما و لملح
من جهة اخرى نوجدو خليط عبارة عن
ثوم مدروس بصل حبة كبيرة رابي
كمون راس الحانوت فلفل اسود ملح رند
شوية موتارد زيت و زبدة زعيترة
نخلطو الخليط مع بعض مليح
و نحكمو الجاجة نتاعن و نبداو ندهنو فيها بالخليط مليح مليح

نغلفوها في film alimentaire
الغلاف الشفاف
و نزيدولها papier aluminium

ونفوروها في قدر و كسكاس
كي تطيب نرشقو فيها الموس نعرفوها طابت
نديرو شوية زبدة في مول و زيت ز ندخلوها للفرن تتحمر و نطلوها بالزبدة

صدقوني بنينة بزاف
و كي تنحوها رافقوها مع بطاطا مقلية او ارز كيما تحبو

لا تنسوى التقييم حبيباتي

الله يسلمك حبيبتي
تسلمي من كل مكروه
و ربي يطلعك على خير حنونتي
ان شاء الله انا و جميع المشتركات

اكيد حبيبتي
صرالك كيما انا كي كنت حامل كرهت الجاج حاشة نعمة ربي
شكرا لمرورك الرائع
ربي يعطيك و قفة ساهلة ان شاء الله

الله يسلمك حنونة
معليش ما بقاش بزاف هههه

الله يسلمك لؤلؤتي الغالية
نورتي