السلام عليكم ورحمة الله وبركاته
درتلها الفرماج قطع
اليوم قولت ندير لبيتزا غيروني لبنات هنا كل وحدة تقول درت بيتزا ايا قولت خليني نجرب وحدة صغيرة المهم
هذي المقادير لعجينة كيلة فرينة 2 مغارف زيت زيتون مغرف صغيرة ملح ومغرف صغيرة سكر و2 مغارف صغار خمارة خلطت الكل مليح وعجنتها بالماء دافي خليتها تتخمر
وحضرا صلصة 1 طماطم حب مغرف طماطم مصبرة فلفل ملح ثوم وزيت وقليتها مليح وشوي ماء برك ماتكثريش وطفيت عليها ومن بعد قليت لحم دجاج الصدر مع لحم مرحي مع بصل وثوم وملح وفلفل وفي الاخير حشاوش
وهنا راني خبزتها ودرت الفرماج من الاطراف وثنيتها
وهنا درتلها صلصة
وهنا وزعت عليها خليط
وهنا زتلها طماطم حب
دهنتها من الاطراف باصفر لبيض
ودخلتها للفرن طيب وبعد ماطابت من تحتدرتلها الفرماج قطع
وهي جاهزة الان للاكل
ولعندوا يديرلها الجبن المبشور
يم يم يم يم يعطيك الصحة باينة تشهي
يعطيك الصحة
يممم تشهي خرجتلك روعة ذكريات يعطيك الصحة باين عليك توحمتي على البيتزا كيما حالتي في بنتي الاولى ذوك ولات طيبهامعايا تكليها بالهناء والشفاء
اممممممممممممممممممم
يالله حبيييييبتيييييييييي
يالله حبيييييبتيييييييييي بارك الله فيكم بنات روضة لالا ماتوحمتش عليها راكي تعرفي رمضان ولجوع هههههههههههههه
بصحتك انت والبرانسيسة تسخف
وفيك بارك الله ههه بصحتك اختي
الله يسلمك فايزة وروضة تسلمولي
بصحتكم و شكرا على الوصفة