يا الله محتجتها اليوم
بغيت نعرف كيفااه تديرووها
يعني كل وحدة وماقدرها انا عندي مقاادير نتاع 250 غ
عندي وصفة مجربتها من كتاب
والله تجي طرييييييييييييييييية وبنينة
نضرب الزبدة بالمقدار لي عندي
مثلا 250 غ نضربها مليح حتى تولي بيضاء
نديرلها تقريبا كاس تاي جلجلان يكون محمص وكاس تاي نتاع الكاوكاو مرحي متوسط
ونلمها بالفرينة حتى تنشف ( عينك ميزانك )
نشكلهم مقروطات
وبعد مايطيبو مباشرة نحطهم في السكر الارطب مرتين
ومنباعد نحط شوية سكر ارطب في الصفاية نتاع الحليب ونرش على الحلوى باش تجي مرمدة مليح بالسكر
موالف ندير 2صفاار وبيضة كااملة
اهلا سارة جبتلك الكيفية نتاع 250 غ
المقادير
250غ دهان
7م سكر قلاص
2بيض 1 خميارة
لفاني
مبشور ليمون
450غ فرينة
سكر قلاص
عصير ليمون
طريقة التحضير
في اناء حطي الدهان والبيض و7م السكر وخلطي جيدا ضيفي لفاني الخمارة والفرينة ومبشور
الليمون وخلطي حتى تتحصلي على عجينة لينة
شكلي حربوش وقطعي مقروضات .دخلي الحلوة للفرن حتى تطيب خرجيها وخليها تبرد
خدي عصير الليمون وهذا هو الجديد في الكيفية .غطسي الحبة نتاع الحلوة فيه ثم رمديها
مباشرة في السكر قلاص وضغطي عليها حتى يلصق السكر بالحلوى وتتغطى كامل
خليها 10 دقائق وحطيها في ليكيسات
درتها ماشي مرة وماشي 2 تجي كيما لغريبية في طراوتها
واذا تحبيها تكون شادة روحها زيديلها بيضة
بالصح كيما قتلك عني ما نديرلهاش البيض خلاص
صح نسيت ما كتبتش الفاني
عندي مدة ما خدمتهااش بصرااحة
عاقلة عليها وموش عاقلة
250 غ زبدة وكاس سكر قلاص
وجنجلان محمص
وكوكاا حتى هو
وندير 2 صفاار وبيضة كااملة
ونلم بالفرينة ياك هي بالداات ولا غالطة
تعيشووووووووووووووووووووووووو عندي مدة معاها وبغاتها حماتي
حتى انا جربتها بلا بيض و كانت هشة و تجي fendante