اريد وصفة البغرير حااااااااااااااااااااااااالا 2024.

باسم الله الرحمن الرحيم

السلام عليكن اخواتي
اريد وصفة البغرير الان ربي ايجازيكم خير زوجي راه حاب ياكلو

حابة وصفة ساهلة وخفيفة وايجي مليح
ربي يحفظكم ماتبخلوش عليا انتظر حابة الجديد من عندكم يا الفحلات

هده وصفتي

كاس تاع قهوة حليب فرينة +كاس سميد+3م ص خميرة خبز +خميرة قاطو1 +ملح+2ونصف كاس ماء دافىء
خلطيهم مليح فالروبو وخليها ترتاح 20دقيقة وطيبيها في مقلاة الطيفال سخنيها وصبي غراف تاع العجين وكي طيب ديريلها السكر هاكا حتى تكملي ودهنيها بالزبدة الدايبة وموفقة

بارك الله فيك
لكن حاجة مافهمتهاش:كاس تاع قهوة حليب فرينة كيفاه؟

يعني chope

شكرا لك اختي لاتي ربي يحفظك

جربي بغرير الاخت فيحاء العالم جربو اول مرة وخرجلي هايل المقادير:
2كيسان سميد رقيق
نصف كاس فرينة
ملعقة صغيرة خميرة الخبز
نصف ملعقة صغيرة سكر
" " " ملح
3كؤوس و نصف ماء دافيء
هادو كامل ديريهم في بول ميكسور و خليهم يتخلطومدة 5 دقايق
بعد دلك اظيقي 2 اكياس خميرة الحلوى و شغلي الميكسور 2 دقايق اخرى
العجينة خليها غير 5 دقائق ترتاح ومباشرة الي المقلة او طاجين تاع البغرير انا عملتو طاجين تاع الطين
جربيه وردي الخبر والله غير خرجلي

بارك الله فيك اختي اليوم باذن الله درت تاع لاتي المرة الجاية ان شاء الله انجربو وانقلك

وجدي يديك ام عبد الرزاق
شوفي اختي خدي كيلة سميد رطب ونصف كيلة فرينة ومعلرفة كبيرة خميرة الخبز ومغرفة صغيرة ملح اومغرفة صغيرة سكر
خخاطي السميد والفرينة معا ثم + الخميرة والسكر وبالماء دافىء اعجني جيدا بعدها زيدي اماء واطربي حتي
ينحل السميد وترجع العجينة سلئلة ماهي ثقيلة ماهي خفيفة
وجدي البر اليد الكهريبائي
وخلطي بيها وزيدي الملح واطربي قد مايكون ليبول كورات الصغار قد مايكونوا قد مايكون الثقوب
وكي ترفديه يخمر
اشغلي الفور وخليه يسخن بعدها اطفيه وادخلي العجينة تخمر مع الحال رهو بارد
يطلع بسرعة
وجدي الطاجين تاع الفخار لكي لا يلصق امسحية بالشحمة
او الموجود مقلاة ثقيلة تيفال
ارفدي بالغراف غير بالشوية وفرعي يطهو
بصحتكم

واش طمنيني كيفاش خرجت