صباح الأنوار لأخواتي الغاليات
كيما نعرف معظم أخواتي عرسي في 24 ديسمبر
وباغية نعمل مقبلات مع لغداء تكون مختلفة على الاوغدافغ والسلطة العادية النوع الاول حنعمله في الأعواد تاع الشواء الخشبية، والثاني يتحط مع السلطة مرة شفت في عرس خدمو لي بغاكات ودارولهم لاكريم فريش مع الرز والمايونيز حشو بغيت انا نبدل
نتمنى من البنات تفيدوني أي وحدة تلقى مقبلات باهيين والا شافتهم في النت تفيدني بيهم وتكون مشكووووووورة
وثاني طلب كاش أنواع تاع قاطو جديد ومليح وباهي يكون يصلح للعرس أي وحدة تفيدني
ربي يسعدك ويوفقك في عرسك
لكن راح نشوفلك في النت حتى لو تطبقي اشكال لتزيين المقبلات باذن الله
السلام عليكم ورحمة الله وبركاته عندي يا أخت نوع من المقبلات وحنا نحبوه بزاف
وهو زاكي يعني يجي بزاف ويملى العين
وفي متناول الجميع لأني نحرز على الكيفيات الغير مكلفة
وتكون في متناول الجميع
وجدي صوص بيشامال
خذي الزبدة ملعقة كبيرة وملعقتين فرينة
وتذوبي زبد وممبعد تضيفيلها الفرينة
كيتتحل الفرينة وتشوفيها ولات رطبة
ضيفيلها الحليب
كل ملعقتين فرينة وملعقة زبدة تحطيلها نص لتر حليب
وتخليها حتى تولي كيما لا بيري ماشي شايحة وماشي جارية
,,,,,,,,,,,,,,,,,,,,,,
وجدي الخضر زرودية مقطعة مربعات صغيرة
جلبانة
لوبيا خضرة (زاليقو)
فوريهم وممبعد وجدي صوص نتاع صلاطة
زيت خل ثوم فلفل أسود
وخلطي الخضر فيها وخليها تبات يعني تعمليها بيوم قبل
,,,,,,,,,,,,,,,,,,,,,,,,,,,,,,,,,,,,,
أعملي لي باغكات وإلا التارتلات مالحة (بات صالي)
وأعملي صوص بيشامال
وجديهم بيوم قبل غير صوص بيشامال تخليها للغدوة ماتحبش توجد قبل
لازم جديدة
وكي يوصل وقت التحضير
حطي الخضر وحدها بلا لا صوص
وحطي عليهم البيشمال وحطيهم في الفور حتى تحمار
وتقدم بارد لأن البنة نتاعها تبان كي تبرد
نتمنى نكون عرفت نفهمك وتكون الوصفة عجباتك
أعذريني لأني مانعرفش نحط الصور في المنتدى
مركز التحميل ماكانش وإلا كنت نعتلك الطريق بالصور
ربي يكمل أختي ويهنيكم
للاسف اختي هادا واش لقيت يعني مجرد صور تطبقي افكار منها وعلى حسب واش تقدري تشري يمكن لقيت نتاع الجمبري وغيره
اما الحلويات فما شاء الله المنتدى نتاعنا راه غني بكل انواع الحلويات والاخت حنان راهي حاطة تقريبا موسوعات ومن صنع يديها
كذالك الخوات راهم منزلين كل نوع جديد تلقايه في المنتدى انت فقط ابحثي او قولينا النوع واحنا نبعثوهلك
تحياتي
https://www.youtube.com/watch?feature…FGQckmJ4#t=40s