كما هو في العنوان على شكل وردة نتمنى تعجبكم
لتـحضيــر العجيــنة:
نضع قليل من الماء الدافئ مع ملعقة سكر و ملعقتين خميرة الخبز
و نغطيها و نتركها لمدة8 د
نضع 600 غ فرينة+ ملح + 3 ملاعق زيت ثم نضيف 2 حبات بيض+2ملاعق حليب بو درة
نضيف الخميرة و نكمل بالماء الدافئ
نعجن العجينة قليلا حتى تصبح ملساء و نتركها تختمــر.
بالنسبة للحشو كل وحدة واش تحب
صلصة الطماطم + لحم مفروم أو سلق أو…..
طريـــقــة التشكيل:
نحل العجينة و نقطعها دوائر , وفي وسط كل دائرة نحط قليل من الحشــو
نغلقها و نتحصل على نصف دائرة (نحكم الاطراف مليح)
نوقــفوها لنصف الدائرة
و نجمع الطرفين مع بعض
في صينية من الافضل تكون دائرية و ندهنها بالزيت نحط المعجنات على شكل دائري كل ماتكثري الحبات تجي وردة متحوفة
نعاودوا ندهنوها بالزيت لأن الزيت عندما تتشربها العجينة عند الطهي تخرج هشة و لذيذة بزاف
و ندهنوها أيضا بالبيض و نتركوها تخمر ساعة إلا ربع م للفرن
شهيـــــة طيبـة
تـــحـــياتي