اللي اتحب لبراج تدخل 2024.

بما ان فصل الربيع حل علينا فمن عادتنا استقباله بالبراج وانا عملتو اليوم وجا ايهبل
اليكم المقادير:
كيلة زبدة او مرغرين انا عملت المرغرين
3كيلات سميد متوسط
قرصة ملح
ماء دافئ+شوي ماء زهر
تمرمرحي (غرس)+ جلجلان +شوي قرفة

التحضير
ذوبي الزبدة وخليها تبرد ثم لوحيها على السميد وبسسي مليح زيدي الملح وشمخي بالماء و ماء الزهر وماتعجنيش ثم اقسمي لعجينة على 2 وديريها قرصتين حطي وحدة وزيدي عليها قرصة الغرس وزيدي من فوق القرصة الثانيةانتاع لعجين وسوي بيدك امليح ثم قصي على شكل مربعات او معينات وطيبي في الطاجين انتاع الفخار او انتاع الشخشوخة وشهية طيبة وربيعكم جميل ومزهر انشاء الله

بصحتكم اختي.

الله ايسلمكم لو كان جيتو احذايا ناكلوهم مع بعض

شكرا لكرمك اختي

يعطيك الصحة
تاكلوهم بالهنا

يعطيك الصحة تاكلوهم بالصحة والهناء

يعطيك الصحة

اعطيك الصحة يا الفحلة شكون اللي مايحبش لبراج نموت عليه تاكلوه بصحة وعافية

[align=center]شكرا اختي على الوصفة.. نمووووووت في لبراج

مبصح ديمة يجوني يابسين ولا مش متناسق العجين و التمر يخي نبطلها

نعاودها غدا ان شاء الله و نردلكم الخبر[/align]