الي لي طلبو مني توابل الشاورما 2024.

خلطة من التوابل هايلة والله كي تجربيها وتذوقيها خير من تاع البر راجلي حرم عليا الشاورما تع البرا عجباتو انتاعي
يعني حصلت روحي
ملعقة كمون
ملعقة كزبرة
ملعقة زنجبيل ناشف
ملعقة فلفل حار
3ملاعق فلفل حلو احمر
الرند مطحون انا شرتو ورق وطحنتو لروحي خير من الواجد
ملعقة ثوم مطحون
نصف ملعقة قرفة
نصف ملعقة قرنفل
2حبة جوز الطيب

تخلطي كل المقادير يكونو مرحيين انا نفضل نشري حب ونرحي لروحي انشاء الله تجربوها وترودولي بالخبر
وهذي شكل التوابل لي خدمتهم في الدار

شكرا اختي على الطريقة بصح انا نظن بلي الشاورما هكذا جي مرة من التوابل انا هزيت الطريقة من عند شيف مصري وجيني هايلة نديرلها شوي بصلة مرحية وشوي ثوم مع شوي كمون كسبر مرحي فلفل احمر عصير ليمون ولبن حسب كمية اللحم جي روعة

مرسي عليكم للزوج عسولات

انا ندير توابل الي كاينة فالدار طبعا ماننساش ثوم

طبعا كي تخلطي كل المكونات اديري علي حساب الدجاج لي عندك مكيش ريحة اديريها كامل
بالنسبة لقارص والثوم راها في الوصفة تع شاورما تلقيها عندي في الموقع انتاعي وشكرا علي المداخلة اختي

بارك الله فيك اختي
ولكت توابل شاورما الدجاج من اشهر الشيفان لا ينصحون الا بالقرنفل المطحون وشوي فلفل اسود لا غير ملح اكيد وطبعا الليمون والزيت
جربيها وتمتعي بطعم القرنفل راح يكون رهيب وهنا بكل المطاعم السورية الي بمدينة عنابة طعم القرنفل بالشاورما السورية خيالللللل

ملاحظة
ازلت صورة المرفق ممنوع صور بها روابط لمواقع وهاداك الموقع بالذات لو نلاقي نمنعه كليا مانقصرش متل ما هم ماقصروش بفترة من الفترات
شكرا كتير واعتذر للازعاج

الصراحة كل واحد واش يحط فيها.انا مرة جربت راس الحانوت وجا هباااال من تم اعتمدته في الوصفة مانكثرش وصافي.

ملي درت الصورة كنت قاصبة كنت معروضة علي العشا حبيت انديرها قدام لا نخرج من دار تفنينت باه نصور لي عندي ونهبطها للميكرو …….تليشارجيتها من غوغل ذركة انصور لي عندي ونحطها مع لاغوسات
اما الوصفة اديتها من تلفيزيون من شاف سوري جربتها وخرجت بنتها ولا اروع ريحة وبنة

ولا يهمك حنونة ربي يحفظك
وبصحتك الشاورما

شكرًا لك على الخلطة