مخبز الفلان
المقادير:
- 250غ مارغرين+ 3 صفار بيض+ 100غ سكر ناعم + 2 علب (50غ لكل علبة) فلان (من الأحسن ذوق بيستاش) انا مالقيتش درت ذوق فاني+ ½ باكي خميرة كيميائية+ 100غ نشاء+ فرينة+ 150غ لوز أو بيستاش مرحي ناعم جدا(غبرة)
الجلاصاج: اخلطي بياض بيضة بالشوكة بلا ما تضربي زديلها خليط مكون من عصير ليمونة مصفية مليح+ مغيرفة كبيرة ماء زهر + 3 مغارف كبار ماء تكوني حليتي فيه ملون اخضر بيستاش خلطي بالعقل و ضيفي نص ساشي سكر جلاصي مغربل مهما كانت نوعيتو جيدة لازم يتغربل و خلطي بسباتيل و شوفي اذا خص زيديلو شوية و ادا لقتيه مليح زديلو مغيرفة زيت و خلطيه
التحظير:
- اخدمي الزبدة مع السكر مليح و زديلها الصفار و خلطي
- ضيفي الفلان و النشاء و اخلطي جيدا
- لميها بالفرينة المغربلة مع الخمارة و ضيفي اللوز فالأخير و لميها جيدا
- شكلي حرابيش من العجينة و قطعيها بطابع الوريقة (بهذا الشكل)
ادخليها الفرن 160° لمدة 15 د ثم اخرجيها (بهذا الشكل)
اتركيها تبرد ثم اطليها بالجلاصاج و زينيها بورود من عجينة اللوز
ملاحظة: هذه المقادير تعطينا 38 حبة
و هذا هو طابع السليكون اللي خدمت بيه الورود
و هذا هو طابع السليكون اللي خدمت بيه الورود
لا تنسوني من دعوة خير
ماشاء الله هايل
يعطيك الصحة اختي ام منذر
يعطيك الصحة اختي ام منذر
يعطيك الصحة حبيبتي أم منذر، شاطرة كيما العادة
السلام عليكم ورحمة الله وبركاته قاطو هايل اختي ام منذرتوحشناك وتوحشنا جديدك ربي يحفظك وينورك
يعطيك الصحة والله يحلي ايامك
يعطيك الصحة اختي ام منذر
مشكورة أختي أم منذر الله لا يحرمنا من جديدك يعطيك الصحة اختي ام منذر و ربي يبارك عليك و يحفظك و يحفظ عائلتك
بارك الله فيك ولك و جبر خاطرك و رزقك رزقا حسنا
ya3tik saha ychahi