يالبنات ارواحو انقذوني 2024.

انا اليوم بديت في قاطو اختي اللي هو البراسليات ومعوله نديرو على 3 ايام لخاطر الكميه كبيرة ومانقدرش عليها .المهم راني كي نخدمها وندير الغطه تاع السعيده النهايه تجي باشعه تجي هابطه وطالعه مافهمتش كيفاش يتلصقو ببعضاهم تعيشو دبرو عليا ماعجبنيش الشكل خلاص

طيب صوري كيفماه خرجولك

ماكانش اللي باغيه تنقذني ؟؟؟؟؟؟؟ اخت حنان بورطابلي عند راجلي دك يجي يتغدا ونصورك الحبات الاولين لخاطر دك حبست نستنى في الطريقه الصحيحه

يا ام رحمة شكلي الحربوش و لويهمليح حتى تشوفيه بشكل مستوي من كل الجهات من بعد الويه على بوشون تاع ماء سعيدة و اغلقي الجوانب مليح
ساااهلة غير عاودي جربي برك

ام كوثر راني درت الطريقه عادي بصح مابغاش يتلصق النهايات

نورمالمو يلصق راها عجينة حاولي دخليها في بعض و حتى يطيب من بعد الطلية تغطي كلشي
انت جربي حبه اخرى و شوفي

هاهي الصورة ام رحمة

خرجتلك كما هك؟؟؟؟

ماتفشليش ام رحمة لازم يتغلق كيفاه مايحبش جربي بالعقل يلا تقلقتي راه يفسد
بشوي حنونة عاودي كيما قاتلك ام كوثر

ام رحمة اختي عاودي بالشوي برك ولا نقولك
شوفي ديريه زعمة راكي رايحة تعملي 2 لويات ومنبعد قصيه بالموس الحاشية الزايدة ساعات نحصل انا ثاني فيه غير بالسياسة

شكرا ليكم بالبزاف راني حصلت وربي كبير ادعيولي ماكانش حاجه تقلقني قد خدمه القاطو