اخواتي ان شاء الله راكم كامل لاباس
حابة نسقسيكم العروس كيفاش تهتم بجسدها قبل الدخلة باش يبياض ويرطاب.أنا مزالي عام على الدخلة وحبيت نهتم بنفسي من دوكا
بشرتي حساسة جدا خاصة اليدين والقدمين أي تقلب في الجو يحصلي تشققات كبيرة وأحيانا إذا لم أعتني بها يخرج دم من التشققات.المهم المنظر تاعهم حدث ولا حرج.
أعطوني وصفة مضمونة لترطيب الأطراف خاصة والجسم كامل عامة.
وحاجة أخرى أنا جسمي كامل فيه شعر دقيق ميبانش إلا إذا دققت معاه حتى في وجهي كاين بصح الناس ميلاحظوهش ويقولولي بشرتك هايلة..لأنني بيضاء وشعري أسود ووحدة قالتلي هذاك الشعر حففيه كامل بصح خفت يكبر من بعد قلت نديرلو تشقير وخلاص.
وكاين منها الالة تاع الحفافة تاع براون أو هدية العروس مليحة؟أحسن من كريمات ازالة الشعر؟لأنني شكيت في الكريمات من بعد يتسببوا في جفاف البشرة ومنعرف
ربي يحفظكم جاوبوني 
لأنني محتارة ومش خبيرة بهاذي المواضيع.
بالنسبة للتشققات ادا كانت الجديدة يعني عبارة عن قشور بيضاء برك استعملي قناع الطفل (اومايعرف بي ماسك الطين) استعمليه خليه في وجهك حت ينشف مليح يرجع يتقشر
حطي الماء يغلى مليح حطي فيه نعناع وقرنفل وطفي عليه وخليه وغطيه بحاجة باش ميخرجش الهواء كي يبرد ( يصبح دافئ) اغسلي وجهك بيه مليح ونشفيه مليح مليح ومنبعد حطي كريم سنوناس نتع العسل ولا الورد وقولي لي النتيجة وتقدري تستعمليه حتى في يديك
ادا كانت عندك شقوق كبيرة كيما راكي تقولي في يديك حطي ماء دفيه مليح وحطي يديك مداخل حتى تشوفي هدوك التشققات بداو يرطابوا احكمي الحجرة تتباع مع وسائل الحمام حكي بيها هدوك التشققات مليح بصح متزيريش ولازم يكونوا طراو مليح بالماء والا راحا يسيحلك الدم اختي كي تكملي تحكيهم استعملي فازلين تتباع عند الصيدلي امسحي بيها يديك هدي الطريقة يستحسن تستعمليها فاليل باش تخلي الفازلين تدخل فالجلد مليح وترطبوا
دوكا نروحوا لبراون مليحة بزاااااااااااااااااااااااااااااااااااااااااااااااا ااااااااااااف مقارنة بالوسائل لوخرين بصح تقدري تستعملي لاسيغ(اومايعرف بالحلاوة) يكون احسن باسكوا مزال العرس بعيد ويستحسن تستعمليها قبل الضهور باسكوا صباح يكون اللحم يوجع
وانتظري المزيييييييييييييييييييييييييييييييييييييييييييييي يييييييييد انشاء الله وكي تجربي رجعيلي بالخبر
حبيت نقلك برك على التشقير انا عندي حببتي حفافة و كانت دايما تنصح ليكليونت نتاوعها باش ما يستعملوش التشقير تقوللهم التشقير يزيد ينبت و يساعد الشعر علا انه يطوال
فيما يخص وجهك نفضل ما تخلطيش فه بما ان الشعر مايبانش حاولي ترطبيه فقط و ان شاء الله ربي يسعدك
بالنسبة للشعر راكي تقولي خفيف و حتى دقي فيه لاه تشوفيه، من رايي غير ما تخلطيش فيه راكي تندمي، و إذا كانت البشرة نتاعك ماشي حساسة و تتحمل ديري الرجينة نتاع السكر و القارس و موفقة
bi nsba lbrawne rhi foooooooooor bzaf nnsah kel arose tdiha fiha rase menasibe li mantka hasasa yahni trazi dla douch bla tchmakh
ديري السنة دلكي كل جسمك بزيت الزيتون مرة كل يومين او ثلاثة ايام
زيت زيتون يبيض و ينقص نمو الشعر دي حقيقة علمية وييعد الشيطان
و لوجهك ظهرت كريم كامل القافزات راهم يديروها و انا وحدة منهم سموها زيرانون
اصلها مغربي ترجعلي وجهك يبريي لا حب لا سواد لا كلف
و ربي يكمل بخير