وصفة عجبتني قلت نحطهالكم تشوفوها بطاطا كوشة 2024.

الطريقة :

1- نقشر البطاطا ونقطعها شرائح رقيقة ونقليها حتى تصبح ذهبية ماتحمروهاش ونرشها خفيف برك بالملح .
شوفو الشرائح كيفاش مقطعين رقاق
إضغط هنا لرؤية الصورة بحجمها الطبيعي.

شوفو كي قليتها ماحمرتهاش .
إضغط هنا لرؤية الصورة بحجمها الطبيعي.

2- نقطع البصل شرائح رقيقة وأيضا نقطع الفلفل شرائح رقيقة ونذبلهم في مقلاة بشوية زيت مع ثوم شرائح ودبشة مقطعة رقيقة أنا ماعنديش هنا الدبشة خلاصتلي ونسيت نشري .
شوفو البصل كيفاش مقطع رقيق .
إضغط هنا لرؤية الصورة بحجمها الطبيعي.
هنا ذبلو :
إضغط هنا لرؤية الصورة بحجمها الطبيعي.

3- كي يذبلو نزيد حبة طماطم مرحية او مرابية في الجهة الرقيقة نتاع لاراب ( هو يقطعها برك ما يرحيهاش ) + ورقة الرند + ملح خفيف وكي تقرب طيب نزيد فيها ملعقة كبيرة معمرة مليح نتاع هريسة بريق الأمل تعطي بنة هايلة .
إضغط هنا لرؤية الصورة بحجمها الطبيعي.

4- نزيد التوابل اللي هوما ملح فلفل أسود كمون وفلفل احمر ونخليها طيب ماتنشفوهاش من الماء خليوها شوية جارية.

5- في مقلاة أخرى ندير لحم مفروم مع كمية مليحة نتاع ثوم مرابي + ملح خفيف ونقلي ( إذا اللحم المفروم نتاعكم راهو بيفتاك مرحي كيما نتاعي زيدو شوية زيت باش يتحمر لأنو خالي من الشحم اما إذا ماهوش بيفتاك ماكلاه تزيدو الزيت يتحمر منو فيه بالشحم نتاعو ). كي يكون نص طياب نزيدو الفلفل الأسود ونكملو كي يتحمر نطفي عليه النار .
أنا درت توابل المرقاز المخادع زدت فيه كمية مليحة كمون وفلفل أحمر .
إضغط هنا لرؤية الصورة بحجمها الطبيعي.

6- هنا عندكم 2 طرق إما ديروها في كوكوط أو في الفرن ، أنا ردت في لاكوكوط أسهل وأسرع
ندهن قاع الكوكوط بشوية زبدة حاجة قليلة خلاص باش البطاطا ماتلصقش
إضغط هنا لرؤية الصورة بحجمها الطبيعي.

7- نحط نصف كمية البطاطا ونحط فوقها طبقة رقيقة من الحشو الطماطم ( ادهنو برك ماتكثروش الصلصة بنتها في اللحم المفروم والجبن وليس الطماطم ، الطماطم الهدف منها باش الطبق يجي رطب ماشي ناشف )
إضغط هنا لرؤية الصورة بحجمها الطبيعي.

8- نحط نصف كمية اللحم المفروم ثم نرابي جبن أحمر واللي يحب ممكن يحط حبات نتاع زيتون أخضر .
إضغط هنا لرؤية الصورة بحجمها الطبيعي.

9- نحط الكمية الباقية من البطاطا ثم صلصة الطماطم ( ماتكثروش أدهنو فقط ) ثم اللحم المفروم ثم الجبن الأحمر المبشور.

10- نغطيي الكوكوط بالغطاء نتاعها ماشي شرط نغلق ونحط الصفارة نغطيها فقط .
نحطها على نار هادئة على الكانون الصغير ونخليها حوالي 10د باش البطاطا تتشرب الصلصة والجبن يذوب .
هاهي بعد مافتحت عليها
إضغط هنا لرؤية الصورة بحجمها الطبيعي.

إذا حبيتو ديروها في الفرن نفس الشيء تدهنو المول نتاع الفرن وتحطو فيه البطاطا بنفس الطريقة وتغطيوها بورق ألمنيوم أو كيس شواء تحلوه بمقص على زوج ودخلوها للفرن حوالي 15د غير يذوب الجبن والبطاطا تطرى وتتشرب الصلصة خلاص خرجوها .

11- نقدمها مع رشة خفيفة نتاع دبشة مقطعة رائعة ولذيذة ممممممممممم خاصة للضياف تحمر الوجه
هذا صحني كثرت فيها الدبشة نحبها

إضغط هنا لرؤية الصورة بحجمها الطبيعي.

* ملاحظة ماتكثروش الملح لأن الجبن الأحمر والزيتون مالحين .

إضغط هنا لرؤية الصورة بحجمها الطبيعي.

منقوووووووووووووووووووووووووولة