كثيرا من العادات والتقاليد تظلم الدين قبل أن تظلم المجتمع وتلحق ضررا بالناس لكنهم لا يستطيعون تغيرها لانها عادة وبعضهم يقدس التقاليد حتى لو كانت مخالفة للدين لهذا أردت أن افتح معكن موضوع للنقاش كل وحدة تقولنا واش هي العادة إلي راها حابتها تتبدل وأنا راح ابدا أولا
أولا عادة الأربعين والسبوع في العزاء وكذلك الإجتماع في بيت اهل الميت لمدة طويلة والضحك والسهرات تقولي راهم في عرس لازم نحترمو المشاعر تاع الناس ونروحو باش نعاونوهم ماشي باش نتضيفو عندهم وهوما إلي يطبخو ويتعبو وهذا عكس السنة لازم الجيران والأحباب يجيبولهم ليهم ولضيوفهم تكفيهم مصيبتهم وعلاش يزيدوهم هم على هم والحاجة إلي تزيد الطين بلة الناس يهدرو على الأكل ويعيبو في الدار إذا شافو فيها غبرة ولا القش قديم وخاصة النساء
عادة تاخير تزويج البنت لمابعد التخرج دون مراعاة سنها او رغبتها مع أنو ممكن تتزوج وتكمل قرايتها في نفس الوقت
عادة عدم إستشارة البنت وتزويجها دون علمها او أخذ رايها وكذلك منعها من رؤية الخاطب بداع التقاليد وهذا ظلم
نتمنى تزيدو تشاركوني
هى بدع فأربعين كانت تقام عند الفراعينه عند تحنيطهم
نورمالمو يوم واحد الي جي تعزي تشرب قهوى وتروح لالا هما حتي يسبعو
وكاين شي تاني وهو الاحتفال بالعام 12 من شهر الجديد يحتفلو العرب بيه هذى تقاليد ولكنها تبقى بدعه
الي نتفكرها اني نجي نقولك عليها ههههه
يسلمو على الموضوع
فكرة الأهل أو بعض الناس اللي ينتظروا العريسين يوم الدخلة، حنايا عندنا ماكاش بصح كاين بزاف عايلات يهمهم هدا الشي، أنا نظن هدا الأمر يخص العروسين فقط…
أمر آخر هو كثرة التكاليف، عرس يحضر فيه كل من هب و دب، الصح هو حفلة صغيرة مع الأهل و المقربين جدا لا أكثر…
بيت العروس والعريس ينتظرون واصحابو بالخارج كمان
وأسوء شي شفتو لما يكملو العريس يخرج تلك القطع تبع الثوب ليوريها لأصحابو ويرقصو بيها
وفي صباح يجي ابوه و لازم يشوفها ويعيط للعروس باش يشوفها تاني ياااااااااااااااااااااااااااااااااالله
شي بخجل
وكذلك كثرة التكاليف العريس لازم يمد الدراهم للعروس وأمها واخواتها وخالتها وجداتها بالإضافة للهدايا وحتى علب توزيع الحلويات وبطاقات الدعوة أصبح فيها تفنن وتفاخر وتكاليف العرس التي لا حصر لها خزينة الدولة وماتكفيهش
شكرا أختي على مشاركتك
عادة اخذ العروس لزيارة القبة وإعتقادهم أنها بهذا تعيش حياة سعيدة وإلا أن النحس سيصاحبها وإن لم تذهب وحصل أي شيئ يعتبرون ان الولي الصالح غاضب لانهم لم يزوروه وهذا كله من الشرك بالله تعالى
عادة تحريم ما احل الله بدعوى أن الولي فلان حرمه فهناك من يحرمون على بناتهم الذهب لان فلان حرمه ولو كان فيه خير لما حرم ما احل الله
عادة إقامة الولائم كل سنة على شرف الولي فلان او فلان وإعتقادهم أنهم إذا لم يقيموها قلت البركة والخير
عادة التبرك بتراب قبور الاولياء ووضع الأموال في القبة لطلب الشفاء أو الولد والعياذ بالله
عادة زيارة المقابر يوم العيد وتجديد الحزن والأصل أنه يوم فرح وزيارة للاقارب من الاحياء وخلق اجواء البهجة والسرور لا النكد والحزن
عادة تعليق صور الأموات في البيت والأصل عدم تعليقها بل وحتى الأحياء لا يجوز تعليق صورهم وإنما تحفظ في دفتر خاص بالصور