واش نلبس نهاريجيبولي المهر 2024.

محتارة واش لازم نلبس نهار يجيبولي الشرط انا نحب نكون عادية و على طبيعتي ومن غير ماكياج معناه نحب نلبس بيجامة هايلة واش رايكم

لا بيجامة ؟؟؟؟؟؟؟؟؟؟؟ الانسان الشيك والمحترم عمرو ميقابل الضيوف بجامة ولا اي شيء خاص بالنوم اللباس ها مع الناس الي عايشين معاك برك او بالاحرى للنوم فقط وملزمش تكوني مصطنعة يعني تقدري تلبس قندورة سانبل تاع الدار وشبشب تاعها وشعرك يكون مسرح مليح وارفعيه برك عادي مع شوية برفان لازم تبيني لناس راجلك من اللول انك شيك ونضيفة وحطة مشي بيجامة ……………اتمنى انك فهمتيني

بيجامة لا

البسي مليح

و ما تكثريش مكياج

ممكن قندورة تع قيمة تكون متحوفة

و تجيك فور

شككككككككككرا افهمت املييح زيدو اعطولي افكار من فظلكم اي حاجة تتعلق بموضوعي

الحق وربي حاستك شايخة بينا وقاعدة تقصري
البسي بيجاما وشوفي عجوزتك واش دير !!!! [IMG][/IMG]

ههههههههههه

حاجة و حويجة راكي شايفة هاد الفلم تاع الصورة ههه

روووووووووووعة

اختي رياد

قندولرة فتون تكون الله الله

و ديري اكسسوارات ساااامبل

و مكياج خفيف

و سرحي شعرك و اربطيه غير شويه ب كراب او مساك صغيير شباب

و ديري بارفان كما قالو الله الله

ما تنسايش ترطبي يديك ف الليل

و تديري قوماج

ايا نتكلو عليك

و مبرووووووووووووووووووووووووووووووووك عليك

الله يهنيك

والله اني نحكي صح وعندي بزاف لبسة لكن متناسبش هذ النهر وعلى بها خرجت وشريت زوج رواب وحدة فتون حمر ااء اتهبل والثانية حتى هي خرجت علية روعة احسن حتى من الفتون جاية كوبي شوي برك وفيها عفسة مليحة في الصدر لونها مارون وباج خفيف

أختي أنا من رأي الأخوات، البيجامة خليها كي خلاص تولي تعرفيهم مليح، بصح دوك راهم ضياف، و لازم تستقبليهم بلبسة لائقة مثلا تايور سانتري شباب، منصورية خفيفة، فستان سامبل نتاع الشتا راهم خرجو ديمودال شابين، و بروشينغ و ماكياج خفيف و ذهب تاني حاجة خفيفة، إذا حبيبتي صور و آراء أكثر، كاين أخوات حطو مواضيع تشبه لموضوعك، اكلعي عليهم، راكي تستفادي

سلام حبيبتي
انا عندي وحدة حبيبتي (عايشة مع عجوزتها و لوستها) عندها دوكا 8 سنين زواج مازال ماشفوهاش ناسها خرجت من بيتها بلا ماكياج
بورتون الزين تاعها ماعندي مانقولك الله يبارك
غير تنوض صباح تتوضى تصلي و تروح تماكيي سامبل، تمشط مليح، كل يوم تبدل لبسة
المهم كيما يقولو عاطية لروحها قيمة
متهلية في روحها و عجوزتها في هاد الشي مستعرفة بيها
الأنثى لازم تكون أنثى في كل الأوقات
و الأنوثة تعني النعومة و الرقة و الجمال و بلغتنا احنا حطة
و خلاصة الكلام قد ماتتهلاي في روحك قليل
ربي يهنيك و يكملك بالخير