هل وزن ابني طبيعي . 2024.

السلام عليكم ورحمة الله وبركاته…

ابني في 14 سبتمبر يكمل 10 اشهر..

ووزنو 8 كيلو و 600

من الشهر اللي فات مازاد حتى غرام..

وكل اللي يشوفو يقلي ضعيف..

هو قامته طويلة حتى الطبيب كي شافو قالي راهو طويل ..

وقالي وزنو طبيعي لكن هدا الشهر اللي فات..

هدا الشهر انا وزنتو وحدي ولقيتو مازادش..

مشكلتي معاه انه مايحبش ياكل مليح..

يعني ساعات ياكل لكن في اغلب الاحوال ياكل ملعقتين او ثلاثة ويحبس..

للاسف ما يرضعش فيا..

والحليب يشرب 180 او احيانا 150 كل اربع ساعات ..وفي الليل نعطيه 210

وةغالبا ما يكملش الرضعة تاعو الا كي يكون راقد….

بالنسبة للاكل نديرلو الخضار والعصيدة واالفارميسال..ونعطيه دانينو و الجبن ..

واللحم والسمك دخلتهملو لكن ياكل كميات قليلللة خاصة السمك مايحبش ياكلو..

هو الحمد لله نشيط ويلعب مليح وبدا يفهم بعض الكلمات كي نقولهملو ويتجاوب معاي..

لكن وزنو مقلقني خصوصا انه لي يشوفو يقلي ضعيف…

قولولي هل ابني طبيعي وما نخافش عليه ..ولا لازم نعطيه دوا باش يحللو الشهية..

لاني فكرت ناخدو عند طبيب يعطيني دوا..

ما تبقايش تعسي فيه وما تاخذيش راي الناس واذا قلقتي اديه للطبيب وهو يقولك طبيعي او لا

ان شاء الله يفيدوك الاخوات

ana ibali 3adi ana benti 20mois w raha 11 klg

شكرا على ردردكم والله طمنتوني..

انا نكون نورمال..

كي يقلي واحد او ضعيف ولا كي ماياكليش نتقلقل..

بصراحة نخاف نكون مقصرة معاه..

خصوصا انه الاول وماعنديش خبرة…

شكرا..

اهلا اختي نصيحة لا تاخدي كلام الناس وخاصة المقربين بخصوص الوزن وكذى الراي والنصيحة خديهم من طبيب الاطفال فقط
تقلقي من شي اتجهي لطبيب ابنك وهو يقولك اذا طبيعي او لا
الطول اذا انتي طويلة او باباه عادي انا ولادي كامل طوال والطبيب يقولي طوال مش كما لولاد الي في سنهم بحكم اني انا طويلة
اما الوزن كاين اطفال هاكدى مع ان مانيش نشوف فيه قليل بزاف عادي والاكل تان بالعقل يبدا ياكل اكيد ماراحش ياكل صحن يعني كمية قليلة
ونرجع ونقول روحي لطبيب هو يفيدك اكتر اختي

ههههههه ضخكتيني راها غاية الحمد لله المهم تكون بصحة جيدة انا الياس راه في عام وثلاث اشهلار راه 11 كيلو
يارب يحفظهم من العين

تفضلي حوستلك في قوقل

عند الميلاد………… (3,300)كيلو
الشهر الاول……….(3,700)كيلو
الشهر الثاني……..(4,500)كيلو
الشهر الثالث……..(5,250)كيلو
الشهر الرابع………(6,00)كيلو
الشهر الخامس……(6,500)كيلو
الشهر السادس……..(7,00)كيلو
الشهر السابع………(7,500)كيلو
الشهر الثامن…….(8,00)كيلو
الشهر التاسع……(8,250)كيلو
الشهر العاشر……..(8,500)كيلو
الشهر الحادي عشر…..(8,750)كيلو
الشهر الثاني عشر…..(9,00)كيلو8

اختي خذيه لطبيب الاطفال و سمعي كلامه و ما ديريش لوليدك الدوا بدون سبب خليه عادي احسن

انا بني 3 سنين ويوزن كغ 12.5

كما قالت ام الياس الجانب الوراثي يلعب دور كبير قد يكون احد الوالدين ضعيف البنية