من يستطيع اجابتي؟ 2024.

السلام عليكم اخواتي عندي وليدي في عمرو عامين وعندو حساسية الصدر ساعات حتى ما يقدرش يتنفس اذا كان تعرفو كاش دوا بالاعشاب قولولي عليها ربي يجازيكم و يشفي قاع المرضى

سلام عليكم أختي أنا نعرف زريعة البسباس و الكتان تيزانة+التين اليابس تنضفيه تنحيلو الريصان وتفوريه مع الثوم كي يفور تحطيه في بلارة وتصبي فوقو زيت الزيتون مغرف ع لخوا الصباح ومغرف في الليل ضربة ضربة,مي المشكلة ولدك صغير مسكين ما نعرف يوكلهولك ولا لا.المهم علاج طبيعي ما تخافيش منو مع المداومة طبعا أنا أختي وخويا كانو مرضا كي كانو صغار ويوصلو حتى للأكسجين مي درك الحمد لله دامتلهم ماما ع هذه الوصفة.ربي يجيب الشفاء

الوصفة اللي قاتلك عليها أسماء نتاع الكرموس و زيت الزيتون أنا جربتها و الحمد لله نقصتلي الحساسية بزاف لكن ولدك صغير ما نظنش يقدر ياكلها ، ربي يشافيه و مرضى المسلمين

اااااااااسفة لا ادري

يعطيكم الصحة ربي يجازيكم

السلام عليكم ورحمة الله وبركاته طهور ان شاء الله ما تخافيش ان ولد خويا كان كيما هاكة زاد بها ومن بعد كي كبر راهو مليح ذروك بصح مع دخول البرد خاصك دايمن الملابس نتوعو يكونو ناشفين وكي تلبسيلو زوج حوالة ويتوسخو عاودي دريلو زوج ملابس وتريكو من التحت يكون من القطن الخالص ومادرلوش الصوف لان الصوف تكثر عليه الحساسية وما تعطيلوش الحوايج الباردين والباب ت نتاع غرفة نومه ما يكونش مغلوق خليه مفتوح شوية ومع الكبر تروح عليه والله يشافيه

عندي ولد حماتي من صغرو كانت فيه الحساسية وماخلات مادرت ليه اش من دواء عرب واش من دواء طبيب حتى عملت ليه عشبة يسموها تالغودة مع عسل الحر والله من ساعتها راه مليح وربي يشافيه ليك

زنجبيل +عسل حر لمدة اسبوع وان شاء الله ماتزيدش ترجعلو صباحا على الريق ومساءا عند النوم والله يشفي جميع المرضى

ربي ايشافي وليدك اختي
أنا نعرف وصفة لعسل الحر بالسانوج
ترحي السانوج مليح مليح ومن الأحسن بالمهراس لابد يكون رقيق تخلطيه مع العسل وكثري السانوج واعطي لوليدك كل يوم معنتها الداومي عليها وربي اجيب الشفاء من عندو بصح وليدك صغير سقسي إذا ما يضروش السانوج