السلام عليكم و رحمة الله و بركاته
لبنات حابة نعمل ديفريساج لشعري باسكو في هاذ الفترة وليت نعاني من تقصفات جاتني في آخر االشعر
لبنات حابة نعمل ديفريساج لشعري باسكو في هاذ الفترة وليت نعاني من تقصفات جاتني في آخر االشعر
مع العلم ان شعري خفيفة بزاااف و شعرتو رقيقة … خايفة كن نعمل ديفريساج يطيحلي كامل و لا كاشما يصرالو ………..ارجو الافادة من ذوي الخبرة فلا تبخلوني انا في انتظار ردودكم
يلا سلام
لا حبيبتي متغلطيش وديريه في شعرك جارتي شعرها كيما انتي
وقلتلها مدريش الدفرساج رح يطيح شعرك ومسمعتش الكلام
داريو ولا شعرها يطيح حتى فرغ تقريبا تحسبي فيها هذاك المرض الله يعافينا
شوفي نعذللك حل عالجي شعرك من مشكلتو اومبعد فكري في دفرساج
اذا حبيتي نعطيلك وصفة لشعر الخفيف
اتفضلي حبيبتي بدون ان تسأليني اعطيني الوصفة
شوفي حبيبتي انتي عرسك راهو قريب على ما اظن
شوفي باش شعر يبدا شعرتو خشينة وكثيف دوقي الثوم حوالي راس كامل
ونفخيف في زيت الزتون 24 ساعة واوبعد حطيه في شعرك
صح ريحة الثوم قوية و فايحة بصح تعطيك نتجة مبهرة
داومي عليها شهر ورديلي لخبر اوك
باذن الله شكرا لك حبيبتي على هذه الوصفة
salam malak ana je préfere diri keratin c mieux tathanay une foi pour toute mem apré 3arssak ykoun cha3rak dima mlih
أختي خطيك من الديفريساج سيرتو كي شعرتك رقيقة، ديري حمامات زيتية : زيت الخروع، زيت الصبار، زيت الجرجير، زيت السمسم، زيت اللوز شوية من كل نوع اللي تقدري عليه بصح ركزي على زيت الخروع، و إذا قدرتي زيديلهم شوية ثوم و سخنيهم بصح كي يدفاو حطيهم على شعرك بلاك تحطيه سخون، و كاين تاني صفار البيض، قشر البنان مفيد للتقصف و كثري من أكل الموز إذا ما عندكش مشكل معاه، موفقة
شوفي حبيبتي خطيك من ديفريزاج
ونعطيك وصفة رائعة انا جربتها في شعري كانت حطتها اخت والله نسيت اسمها
خدي زريعة الكتان وجلجلان نقيهم وطحنيهم وطبغيهم في الزيت وخليه يبرد وحطيه في قرعة كل يوم دهني شعرك وكي تبغي تغسليه جبدي من التحت ودخليه في الجدرة وغسل نورمال
ونعطيك وصفة رائعة انا جربتها في شعري كانت حطتها اخت والله نسيت اسمها
خدي زريعة الكتان وجلجلان نقيهم وطحنيهم وطبغيهم في الزيت وخليه يبرد وحطيه في قرعة كل يوم دهني شعرك وكي تبغي تغسليه جبدي من التحت ودخليه في الجدرة وغسل نورمال
شكرا على هذا المرور العطر……. حبيبتي ممكن توضحي لي اكثر مفهمتش واش معناتها keratin هل هي نوع من كريمات للشعر ام لا