هاذي اول مشاركه لي بينكم وارجو ان استفيد منكم وتستفيدو من معلوماتي
12 يوم نقصت 10 كيلو
بعد ماكان وزني ثابت ثلاث سنين بـ95 وبعد محاولات ريجيم فاشله كم يوم وبس اوقف ولا ينفع معاي شي
وبصراحه الي خلاني اوصل للوزن هاذا هم اعز الناس لي وصاحباتي دايم يقولولي انتي احلا كذ ومايحتاج تسوي شي
صارت عندنا مناسبات وبعد اخر عرس رحته جيت معنوياتي بالارض بعد ماشفت الفساتين وغيره وانا بعمرهم وماقدر البس الي يلبسوه وبالموت الق شي يناسبني واذا لقيت بضل غير واثقه من نفسي
وبعدها قررت قرار لارجعة فيه وقلت لنفسي يانا يالثمنه لازم اضعف يعني لازم اضعف واصبح رشيقه وابد حياتي احلى
وصرت اقراء بالنت عن ريجيمات تنحيف ولقيت اشياء كثير منها سويتها وما نفعت ومنها ماعجبتني
المهم ماطول عليكم
فجاء لقيت ريجيم وبصراحه عجبني ليش
تبون تعرفون ليش؟
اولاً انا من النوع الي اذا باكل اكل يعني ماحد يوقفني
ويبيلي ريجيم يوقفني عند حدي
الرييجيم هو (ثلاثه ضرب ثلاثه)
بصراحه رهيب هالريجيم نقصت فيه 10 كيلو بالراحه ولو سويت رياضه يمكن اكثر
هاذا الريجيم ينقص من 6 الى 10 بـ12 يوم واكثر
وفي الشهر تقريبا 22 كيلو وفي ناس اكثر على حسب نوعية الجسم
12 يوم مقسمه على ثلاثه ثلاثه الين ماتخلص
1- ثلاثة ايام فواكه اي فواكه وباي وقت واي نوع
2-ثلاثه الايام الي بعدها خضار اي نوع واي وقت
3-ثلاثه ايام الي بعدها رز اسمر مع ز بادي
4-ثلاثه الايام الاخيره لحم – سمك – دجاج ( طبعا يامشوي او مسلوق )
وبعده بتسوي يوم مفتوح او بتكملي انا عن نفسي ماراح اسوي حار بحار واليوم هو اخر يوم من بديت الريجيم بكر ببدى 12 جديده طبعا هاذا الحماس الي تشوفوه عندي لاني بصراحه اول مره اشوف جسمي كذ مبين علي وصارو ملابسي الي ماتدخل علي الحين تدخل وكمان واسعه
طبعا بعد لـ12 يوم بتكرري يعني بتبتدي من جديد او بتوقفي بكيفك على حسب الوزن الي تبي توصلي ليه المهم انك تنظمي اكلك وتثبتي وزنك بالخل
وبدون اضافة اي زيوت وممنوع خلط الانواع مع بعضها خلاص تاكلي فواكه اول ثلاثه ايام وبعدها انسيه وهاكذ لبقية الايام
وفي شي ساعدني
استعملت خلطه رهيبه
وهي زنجبيل وكمون وشاي اخضر ونعناع
كلهم خلطهم بمقادير متساويه وغليتهم وصرت اشرب منه الصبح على الريق كوب واذا جيت بانام كوب طبعا هاذي الخلطه تذوب الشحوم وتمحي الكرشه تماما
المهم اني مره مره متشجعه اكمل ابدا من جديد والي يبي يبدى معاي ونشجع بعض
ولا تقولو انه الي ينزل بسرعه يرجع وزنه بسرعه حتى لو انتي ضعفتي بوقت طويل ورجعتي اكلتي مثل قبل وماسويتي لك نظام متوازن راح يزيد الوزن
وانا عن نفسي خلاص وداعا للثمنه راح احاول احافظ على وزني انشاء الله
كان وزني 95
والحين 85
وهدافي الثاني 75
والثالث 65
والرابع 55
سامحوني طولت عليكم الله يحقق امانيكم كلكم وتصير اجسامكم مثل عارضات الازياء
شاهدي آخر ما كتبت : )
• 12 يوم نقصت عشره كيلو
