السلام عليكم يا اخواتي
حابة منكم لو ممكن ان تقولولي طريقة شفتها عند صديقة ليا كنت زمان نعرفها باتنية وقاتلي احنا الشاوية في باتنة نعملوها بزاف
هي فلفل احمر مرقد وبنيييييييييييييييييييييييييييييييييييييين
كيفاش يتعمل اخواتي لان راه موسم الفلفل الاحمر وحابة نعمله ونخليه لرمضان ان شاء الله
اللهم بلغنا رمضان
الووووووووووووووووووووووو
مساء الخير هانا نور اسمحيلي هاذ الايام راني لاتيه لوليدي راح ايفوت الاهليه ساعات وين نضرب طله *اما على سؤالك على الفلفل المرقد ماعليش مافهمتش ويناه الي تقصديه تقصد انتاع الهريسه ولا المفور ومرقد بزيت الزيتون
ربي ينجحهولك يا جنة ويفرحك بيه يارب
اما يا جنة والله ما عرفت عندي شي خمس سنوات ملي كليته انتي اعطيلي الطرق لتنين ونجربهم انا لان والله كل الي ضاق هداك الفلفل عجبه وتلفونها ضيعوهلي ولادي من مدة وبقاش تواصل بنا للاسف كان سقسيتها بصح فيكم البركة يا الشاويات
اما يا جنة والله ما عرفت عندي شي خمس سنوات ملي كليته انتي اعطيلي الطرق لتنين ونجربهم انا لان والله كل الي ضاق هداك الفلفل عجبه وتلفونها ضيعوهلي ولادي من مدة وبقاش تواصل بنا للاسف كان سقسيتها بصح فيكم البركة يا الشاويات
عندنا عدة انواع كاين المشوي والمرقد *نشوي الفلفل الحلو مع الحار اوكيما حبيتي ونقشرو ونقطعو ونحضر الثوم مع الخل وزيت زيتون وشويه توابل *قسبر حب مع شويه كمون وملح كثري من زيت الزيتون يعني اكثر من الخل خلطيهم مع الفلفل مليح وحطيها في بلاره تقدري تستعمليه 3 من بعد*ملاحظه*هذه الطريقه تقدري تستعمليها مع فلفل مفور ولا مقلي بصح الفلفل المفور لازم تخليه بالسيقان انتاعو وتفوريه وتخليه ليله كامله في الكسكاس يقطر يعني يشيح من الماء انتاع البخار باش مايفزدش وتستهلكيه سمانه بعد ما ديريه*2 الفلفل البوفجوخ او المرحي وهو ماشي طايب*انجيبو فلفل اخضر اوكيما بغيتي مخلط والاكثريه نديروه حار مع ثوم وملح نهرسوه ونخليوه مفتت ماشي مرحي بزاف او ارحيه في الخلاط وضيفلو شويه خل وحطيه في بلاره هاذا تقدري تستعمليه في الطبيخ ولا تقدري تاكليه مع الكسره انتاع المطلوع بعد ما تكوني درتي فبه شويه زيت زيتون* 3 الفلفل المرقد العادي تاخذي الفلفل الاخضر تحليه بالموس شويه من تحت وتحطيه في بلاره حتى اتكملي الكميه اكل وبعد تحضري الماء والخل الاحسن ايكون النوع الابيض الحامض مع اضافة الملح انا نشتي انكثر الملح والخل باه مايفزدش وسنينات ثوم ونفرغهم فوق الفلفل حتى يتغطى كامل تستهلكيه بعد 20او21 يوم * اما الهريسه اجيبي الفلفل الاحمر الحلو والحار اغسليه وفوريه بلا ماتنحي اللب حتى يذبال وخليه يبات يقطر الصباح ارحيه وصفيه من الزريعه و حضري الدرسه انا اندير الثوم والتابل انتاعي الي هو قسبرحب كمون بسبابس حبة الحلاوه نرحيهم اكل مع اضافةالملح وزيت الزيتون ونخلطهم مليح ونحطهم في بلاره ونستعملو بعد3او 4 ونتمنى اني وصلتلك الكيفيات اكل
جنة هادا الفلفل الاخضر ولا ينفع للاحمر
لان متل ما قلتلك هي تعمل النوع الاحمر وقاتلي هادي طريقتنا احنا في باتنى الكل يعملوه
وربي يوفقك ويوفقلك ولادك وينجحهم يارب شكرا على الطرق رايحة نجربهم ان شاء الله
بصح على حسب كلامك راهم مايطولش وانا حاباته يبقالي لرمضان ان شاء الله
وهي تاني كانت تعمله في الصيف وياكلوه في الشتاء مع العدس وكدى
لان متل ما قلتلك هي تعمل النوع الاحمر وقاتلي هادي طريقتنا احنا في باتنى الكل يعملوه
وربي يوفقك ويوفقلك ولادك وينجحهم يارب شكرا على الطرق رايحة نجربهم ان شاء الله
بصح على حسب كلامك راهم مايطولش وانا حاباته يبقالي لرمضان ان شاء الله
وهي تاني كانت تعمله في الصيف وياكلوه في الشتاء مع العدس وكدى
السلام عليك أختي حنان و أختي جنة
أحنا فالغرب نعملو الفلفل مخلع لاكن طريقتو مختلفة نشويوه نقيوه ونملحوه ونشمسوه فالصيف ونجمعوه فأكياس ونحطوه فالكونجيلاتور صدقيني بنتو مختلفة تماما
أحنا فالغرب نعملو الفلفل مخلع لاكن طريقتو مختلفة نشويوه نقيوه ونملحوه ونشمسوه فالصيف ونجمعوه فأكياس ونحطوه فالكونجيلاتور صدقيني بنتو مختلفة تماما
صباح الخير هانا نور مافهمتينيش قصدت تقدري تستهلكيه في هذه المده يعني يكون واجد اما الاحتفاظ بيه للرمضان انشاء الله تقدري بصح تحتفضي بيه في الثلاجه بلا ماتكثري تحلي على العلب الي اديري فيها وفرغي فوق الفلفل الي درتيه اوالهريسه بعد ما تكوني كملتيهم شويه زيت زيتون واغلقيها امليح وحطيهم في الثلاجه ومتخافيش مايفزدش انشاء الله الا تبعتي الخطوات الصحيحه.اما عن سؤالك تقدري اديري فلفل احمر ولا لا نعم تقدري عندك انا ما جربتوش في المرقد انتاع الخل *بغيت تقوليلي كيفاه كان شكل الفلفل انتاع صاحبتك يعني طايب ومقشر ولا صحيح*
شكرا لكي اختي انيقه في الحقيقه شقت هاذ الطريفه في التلفاز بصح ماجربتهاش ممكن تشرحيلي كيفاه تعملوه وكيفاه تستهلكوه بعد ما يجف
وعليكم السلام حنونة والله يا انيقة تعجبني هاد الطريقة نشوفها باطباق المغربية وتشهيني هي والطماطم ولكن ولا مرة جربتها ولكن قوليلي بشحال المدة متلا الي يقعد فيها في الشمس وانا نسكن في عمارة ينفع نحطه غير في البالكون ولا لازم مكان مهوي مليح
والطماطم لو تعرفي طريقتها قوليهولي تعيشي
شكله كان مهروس او مقطع رقيق بصراحة كان زمان وكنت وقتها مانعرفهاش مليح ذقت غير ذوقة صغير وحشمت هههههههههههه عليها بقا في خاطري
والطماطم لو تعرفي طريقتها قوليهولي تعيشي
شكله كان مهروس او مقطع رقيق بصراحة كان زمان وكنت وقتها مانعرفهاش مليح ذقت غير ذوقة صغير وحشمت هههههههههههه عليها بقا في خاطري
ان شاء الله نجربه يا جنة وربي يعيشك تعبتك معايا حنونة