المليون الاول يروح للكريدي تاع الطموبيل
و الثاني والتالث يروحو للكوتيزاصيو
تبقى 2 مليون وخمسة مئة
هاذو مصروفنا
يعطيلي 2مليون نبدا نصرف فيهم اللحم الداند وسمك على حسب افراد العائلة الكمية تكون
نغسلو ونقطعو قطع
والداند فاني نقطعو بعد الغسل
االسمك هو الاخر ينضف ثم اخذ اكياس بلاستكية
>ونقسم كل حاجة على اربعة من لحم وداند نشري غير الصدر والسمك على اربعة يعني اربعة اسابيع للشهر الواحد
والان الباقوليات نشري من السوق
نشري الوبيا ونشمخها وفي الغد نفورها ونقسمها على اربعة ونحطها في اكياس التجميد هي والعدس والحمص اما الفول اليابس والبوكاسي نقسمهم هاكك
و
نشري زيتون وجلبانة
نفيض الزيتون ونقسمو ونقسم الجلبانة ايضا
تبقالنا العجائن
نشري الشوربة والسباقيتي والمقارون والمحمصة
المهم باش مانطولش عليكم انا خادمة موني نطيب عليه لازم نطيب في كل اسبوع مرة باللحم ومرة داند وعندي السمك ومرات نضيف لزابة والدوارة ونطيب لبات والباقوليات كلشئ منظم وبترتيب اما البصل والبطاطة نشريهم جملة ومخلية مصروف الكوزينة لاخر من متطلبات مثل رولوات الطراشن بابيي و اومو صابون …………..الخ انشاء الله نكون افدتكم وارجو كم رايكم ومرات يكمل المصروف ونكردي شوية
نسيت اللحم المرحي الفيونداشي هو فاني نخدمو دي بول والخضر على حسب الموسم لنكونو فيه ندخلها في الموني ونترك الطعام للجمعة والعشية منوعات لقراتا ولا قليان بطاطة الله يبارك و يزيدك و يخليلك العايلة كامل بخير …
عجبتني تاع menu والله فكرة هايلة ….
مشكورات حباباتي وكاين تدبير اخر غدوة انشاء اله نخبركم به وكم ارجو دخول الاخوات واعطائنا تجاربهم وتصريفهم