ااعتبرها مشكلة ام لا ساعدوني بالامس جاءت عندي صديقتي وعيناها مليئتان بالدموع فاجاتني فقالت انكسرت من قلبي قلت لها لماذا؟ قالت لي زوجي زوجي قال لي يوجد خطوط في جبهتك لو رايتها اليوم الاول لما اتزوجتك للمعلومة تزوجت في العام الي فات وهي حامل وهي جميلة جدا وصغيرة عندها 22سنة وزوجها كبير عليها ب14 سنة
قال لها كبرتي ومن بعد قال لها كنت امزح لكنها قالت لي كان من نيته يهدر انا نعرفه قالت لي الحب الي كنت نحسه مجيهته نقص راني جابدة روحي منه لاني نكسرت من الداخل جرحني انا مالقيت ما نقول.
دوك تولد و يرجع كلش كيما كان نشالله
و راها تتوحم
طمنيها و رجعيلها الثقة ف روحها بش ما ينجمش مشكل على حاجة تافهة
حاسب تزوج ب باربي ما تكبر ما تسمن ما تشين؟؟
هاذي انسان
الله يهدي ما خلق
أولا ربي يسهل لصحبتك وجيب بيبى بهيون كيما هي
اما بالنسبة للمشكل هذا انا نذن كيما قالو السيدات المحترمات
حساسية بسبب الحمل يعنى المرأة لما تكون حامل تكون حساسة أكثر
-والرجال يعنى لازم يعرفوا هذا الشي ويعرفوا يتعاملو معاهم-
على كل حال حبيبتى انتى حاولى ترفعى لها المعنويات ومتخليهاش تخمم بلى راجلها معدش يحبها
وربي يسهل ان شاء الله
تحياتى
لوكان هي قاتلو نتا ثاني عندك خطوط في وجهك
ويقلبوها ضحك وفرات
فالمفروض تخليها واثقة من حالها و تجاوبو بكل ثقة أنو مهما يكون من حالي عمري 22 و الكثير يتمنى زوجة بحالي
و أنا أكلمك عن خبرة هاكدا كان يديرلي زوجي أنا تان و لكن كي يشوف البرود من عندي و نبينلو أنو كلامو راه يدخل من ودن يخرج من أجرى حبس و صار يقولي كي يقول خلاص كبرنا , إيه نسيت نتي مازالك صغيرة ما تكبريش هههههه
يعني تعمل بالإيحاء معاه حتى تفاسيلو كامل هاد الفكرة من راسو
و قوليلها يا حنونة غير حطي الحساسية بجنب في الحياة لأنه لن تجني من وراها شيئا بل ستتعب نفسها و من حولها
و مازالت الدنيا قدامها نشالله و ستقف على مصداقية نصيحتي هذه
انا مثلا راجلي كي نلبس دجين ولا ميني طبعا في البيت باش يقولي راكي شابة لا يقولي راكي صغيرة انت تلبسي هكا وانا عندي 31 سنة نقولوا واش درتي في قدرة وماطبتش ونروح نتمايل عليه ومانقلعش اللبسة حتى يجي يقولي راني نمزح راكي شاابة