الطبق الرئيسي حبيباتي اخترت من قفة المسابقة طبق الشفلور بالمرق وصلصة الليمون والبيض والمعدنوس اممممممممممم خاصة في اجواء البرد ومع شوية حار الله الله لذيذ جدا…..
حظري مرق عادي لكن لازم يكون بنين حتى يطيب الشفلور ايضا بنين وحلو
انا ندير اطراف الدجاج مغسولين ومنظفين طبعا حبة بصل كبيرة مفرومة 3الى4 سنينات ثوم
مفرومة كمشة او حفنة حمص مشمخ 2حبات طماطم مفرومة ملعقة كبيرة زبدة قليل من الزيت
ملح فلفل اسود شوية قرفة ونخلي كل شيئ يتقلى على نار هادئةمدة 15 دقيقة
مرة على مرة نحرك ونضيف قليل من الماء حتى لا يلتصق وينحرق
من جهة اخرى نضفي حبات الشفلور قطعيهم وغسليهم مليح وخليهم يقطروا
حطيهم في المرق وزيدي مرقي يعني حساب ما يتغطى اللحم والشفلورفقط ما تكثريش الماء حتى يعقد المرق مليح نقصي تحت النار وخليه يطيب بالعقل
حظري عصير تاع حبة ليم صغيرة زائد 3الى 4 حبات بيض + كمية مليحة من المعدنوس المقطع رقيق خلطي الصلصة جيدا
وكي تلقاي المرق عاقد واللحم طاب مليح فرغي هذالخليط على كل انحاء الكوكوت ودخلي بالملقة مليح في المرق ثم على نار قليلة غلقي الكوكوت مدة 5 او 6 دقائق فقط و طفي النار
ان شاء الله يعجبك الطبق لاباس كي يبقى فيه المرق بالعكس يجي لذيذ جدا….
:26373379_ 24729924_3بقيت التحلية ان شاء الله بعد الطهر نحطها ……
وبالتوفيق يالحبيبة
موفقة اختي
وخطوات واضحة وشرح كامل
حظ سعيد اختي ام حسنى في المشاركة ماستر شاف
بارك الله فيك على الوصفة الرائع والمميزة التي
نورتينا بها
ان شاء الله ما ننحرم من تميزك وعطائك
الف شكر لك على المجهود الطيب
واصل
