مشاركتي في المسابقة 2024.

السلام عليكم

اكيد كلنا نعشق الدجاج المحمر و البطاطس المحمرة نتوع المطاعم سبحان الله فيه بنة لذيييييييييذة

و السر هو

اولا قطعي الدجاج و البطاطا و اضيفي التوابل الخاصة بالدجاج ( موجودة عند بائع الاعشاب )
و ضيفي الملح و الثوم مهروس و الرند و قطعة زبدة و شوية زعتر

و السر هو

،

،

،

،

لموتارد

اضيفي للخليط ملعقة لموتارد و خلطي مليح و ضعي الخليط في كيس الشواء

و خليه لمدة اربع ساعات

ثم ضعيه في الفرن

صدقوني ستستمتعون بدجاج محمر و بطاطس محمرة بنييييييينة

و إليكم النتيجة

طبق رائع ولذيذ
مجهود متميز عزيزتى
سلمت يداك
وفى انتظار وصفاتك القادمة ومشاركاتك بالمسابقة موفقة

اييييييييييييييييه يعطيك اصحة يا اختي سرها غير في لاموتاغد ساهل ساهل

فعلا ام هديل موالفا نستعملو كنحمر الدجاج
والله طعمه رهيب
في انتظار مشاركاتك القادمة باذن الله

الله يعطيك الصحة علمعلومة وخرج محمر كيف انتاع المطاعم امممممممممممممم

يعطيك العافية
انا دايما نستعمل la moutarde و يجيني هايل نستعملو في البيت
ما نشريش من برا نزيدلها الفلفل الاسود و الكيري(القليل فقط) و
الملح و الرند و الثوم و قليل من الكمون نعم الكمون و الزبدة
وادهني هاذيك الدجاجة مسكينة و امسديها مليح مليح و
ضعيها في الفرن راهي واش انقولك …. لك ان تتخيلي
بصحتك و صحت عايلتك

السلام عليكم…..وصفة هايلة مشكورة
انا كي نبغي ندير دجاج محمر في الكوشة :نحكم دجاجة و نقسمها لقطع و نظيفلها كأس لبن + ملعقة زعتر+حب الهال+ ملعقة موتارد+حرور +ملح+ زعفران+ملعقتين عصير ليمون+قصبر و ثوم مهروسين و نبيتها ليلة كاملة و في الغد نضعها في كيس طهي الدجاج و نحطها في الفرن ………..تجي البنة هايلة و ما طولش في الطياب

صحيتي على النصيحة انا ناكله نوغمال كيما المايونيز انشاء الله نجربها للتتبيل

ام هديل عجباتك الوصفة نتاعي