عندي شوية طلبات وياريت تفيدوني
انا بشرتي دهنية
والمطلوب هو
تنصحوني بكريم واقي الشمس مليح
انا جربت فينوس مانفعتنيش ليتراس تاع الشمس مازالو كاينين
وجربت ايديال ولات بشرتي مزيتة وتلمع في الشمس ومافادنيش 
اتمنى تعطوني كريم مليح ومفيد ومجرب
ثانيا حابة تنصحوني بزيوت ولا شومبوا مليح للشعر
انا شعري كان طويل وقصيتو لانو ولا ضعيف ويتساقط 
حابة نرجع شعري كيما كان من قبل املس وغزير
مشكوورين
نتمنى تساعدوني
لكن معنديش خبرة كافية في مواد التجميل
نتمنى الخبيرات يفيدونا
اهلا خيتو اهلا ببنت ورقلة
على الكريم الواقي عندي 3 انواع نحكيلك عليهم … انا بشرتي مثل بشرتك دهنية و مش كل المواد تجي عليها كاين اللي تخليها مشحمة و اخرى تخليها مزيتة…
المهم في استعمالها انك تدريها قبل ما تخرجي بنصف ساعة و تعاوديها كل ساعتين و هذا صعيب شوي .. و مع جو و شمس ورقلة لازم تعاوديها باش ما تقوليش ما دارتش نتيجة…
حنا اللي ننصحو بيه و اللي ينصحو بيه اطباء الجلد هو Daylong
لكن انا شخصيا – و كل بشرة وش يوالمها – ما جاتش عليا
استعملت مدة عامين VICHY و كانت رائعة غير دهنية
و من 4 أشهر غيَرتها و راني نستعمل La Roche-Posay Anthélios ايضا رااائعة و تعطي نضارة للوجه
و الاهم فيهم كلهم انك تشتري الاصلية من عند الفارماصي و اللي لا تقل عن سعر 1700 دج لانو غير الاصلية بدون فائدة و ضياع نقود..
أما عن الشعر كاين نوعين مجربتهم من سنوات و خارجين علي لكن نعاونهم بالمواد الطبيعية في البيت
هذا بالضبط اللي استعمله
و هذا ايضا استعملته رااائع
و المواد الطبيعية زيت الخروع تعملي بيه مساج لفروة رأسك و ماسك آخر هو زيت الزيتون بصفار البيض
إن شاء الله نكون أفدتك
لكن انا نقرا
يسمى نديها معايا لليسي ونولي ندير منها؟"نهار يديرو حملة تفتيش يلقاوها عندي يعرسولي ههههههههه"
راح نجربهم ونردلك خبر
هههه عجبتني حملة التفتيش… وين ؟؟ في علي ملاح و لا الخوارزمي ولا المتشعبة ولا مبارك الميلي؟؟؟ ههه
هو الاشكال في الخروج على 12 تكون الشمس في الوجه تحرق .. ديري مظلة و ما اظن فيه مشكل في الكريم الواقي ما يحاسبوا عليه.
المهم .. حاولي تستعمليه اكثر من مرة في اليوم و تجنبي التعرض للشمس… و للمعلومة الشمس مش غير اسمرار للبشرة فقط بل تزيد في النمش و الحبوب الغير مرغوب فيها و الكريم الواقي ينقص منها لازم يكون اصلي.
انتبهي على نفسك
سلام
ههههههه
مايقولوليش علاش راكي دايراتيه في وجهك
بالاك يلقاوه في محفظتي هدا ماكان
لو كنت في علي ملاح ولا مبارك ميلي جيبي معاك مكياجك كامل نورمال ههههههههههه
مشكورة اختي ربي يحفظك
آآآآآآآآآ طلعتي تعرفي ورقلة ملييييييييييييييييح ملييييييييييييييح
أنا قريت في على ملاح و درك الحمد لله راني متخرجة من الجامعة