ماما اريد أن أطبخ 2024.

ان شاء الله
دركا نقولها لبنتي استمتعي مليح كاش نهار يكون دلك واجبا
تحب تكنس
انا نقولها رتبي بيتك هديك اول خطوة
ومع الوقت ان شاء الله نرغبها في الاعمال الاخرى

والله غير اعجب كي انكونو اصغار انموت على الكنيس والطبخ وامور البيت حتى في العشة اللي نلعبوهاانديروارواحنا ربات بيت
مي كي انولو نعرفو الله المستعان الفشل ايطيح اعليك او تكرهي حتى كلمت سيقي اغسلي ديري
لحد الان ماعنديش ابنات
مي بنت اختي تبغي ادخل روحها انقولها روحي تلعبي لاحقة او تكرهي
شكرا اختي عصفورة زقزقتك رائعة كعادتك

موضوع جميل ومادام احنا بنات نقوا لك انا من صعري نحب الدار وكل مايخص الدار
شيء فطري من الصغر نحبوا نعاونوا ونفرحوا اهلنا
واليوم مع بنتي ليس نفس الطباع
ولكن عندها ميولات تحب الطبخ يعني في عمرها تقريبا عشر سنوات تقريبا كي نعمل اي شيء يكون هي فارغة بدون اي شغل خاصة الدراسة تدخل معايا للكوزينة يعني هي تشد الباتور وتطحن بالميكسور اي شيء خاصة الاشياء الباردة تعملهم بدون خوف البنيون حلوة الكسكروط وبكريمة كرامال والفلان واشياء المالحة سلاطات والطماطم تغسلها والبيتزا نحليها لها الديكور وتزين الصحون
المهم بشوية ان شاء الله
المهم علمتها تشعل وتطفي الفرن هكدا نتجنب الحوادث بعيد الشر وخلي تغسل الحوايج الصغار اللي يخصوها
وتطوي الحوايج

اناتعلمت من الوالدة ربي يشدلها صحتها ويعافيها تعلمت برغبتي او غصبا عني خاصتا واني تركت مقاعد الدراسة مبكرا ورغما عني.
المهم تعلمت وكملت عند الزوج الصبور هههههههههه.

وبما ماعنديش درية اصلا علمت بنت جارتي وكنت ننصحها كي بنتي الي ماجبتهاش اعطيتها اساسيات شغل الدار وعلمتها شي صوالح ينفعوها وربي يقبل مني.

السلام عليكم
عندي بنتي عمرها تقريبا 3 سنوات وراني بديت معاها بلعقل باش توالف المسؤولية فقط
كي نقضيو متلا نقوللها حطي هدي هنايا او جيبيلي هديك الحاجة وتجمع اللعب نتاوعها
وعندي عادة كي نطيب حاجة بالعجين نجيبها هي وخوها ونعطيهوم شوي شوي عجين
ويبداو يلعبو بيه ويشكلوه وفرحو بزاااااف كي نديرلهوم هكدا
وفالدخلة نتاع الدار دايرة علبة وطابي صغير اعزكم الله يديرو فيه البونيات والكاش ني وصبابطهوم اعزكم الله
هكدا يتعلمو النضام والنضافة لانو ادا ستنيتهوم حتى يكبرو مايتعلمو والو
وكدلن كي ياكلو كل واحد يحط تبسيه فاليفيي ويمسح بلاصتو
هدا واش تفكرت شكرا حنونة على الموضوع