أنا حامل في الأشهر الأخيرة ، أتمنى تساعدوني بأفكاركم في وضع قائمة لمستلزمات البيبي و كذا مستلزماتي كيما عوايدنا في الجزائر ، و واش نوجد للمباركة انشاء الله .
ان شاء الله الاخوات المتزوجات يفيدوك
مانيش متزوجة عادا
بصح نحكيلك شوي
أول حاجة تشريها هي مستلزماتك الشخصية لي تحتاجيها ف المستشفى.. يعني تبداي بملابس داخلية قطنية و كيمينو تع شتا و جوارب هادو
به مايضربكش لهوا, وتاني فيزواات شتوية و دراا و توجدي كابتك و تشري حوايج البيبي اللساسية زاورة صغيرة زاهية و درا و بسااط و
لبسة تريكوات القطنية و الحفاضات الرياقة البيبرو الزجاجي
في جيهتنا يوجدو الروينة يحطو فيها حمص و عدس مقليين و نقليو كاوكاو و نحطوه بجيه, كي نديرو هذا الزرير بالزبدة و الغرس نحطو فيه الكاوكاو
كي تزيدي رايحين يجوك الناس يباركو وجدي لقاطوات متبالغي
و ف الشهر لخر حافظي على نظافة دارك باه كي يجيو ناس مايعكيوش نحي الخشيين و الباقي سلافاتك ولاا خواتاتك يتهلااو فيه
نتمنى نكون افدتك
بلنسبة للتجهيزات للمولود الجديد نظن هناك موضوع خاص وهو عبارةعن مسابقة أجمل تجهيزات للمولود الجديد تقدري تستفدين منه
لكن فقط نعطيك نصيحة أنك تكتري من اللبس الداخلية لانه يحتاجها اكثر
ولا تكثري من شراء الملابس الخارجية لأن المولود يكبر بسرعة.
.
اختي زهرة على الضفاف بارك الله فيك و شكرا جزيلا على الافكار ،أرجوا أن تشرحي لي طريقة عمل البسيسة بالمكسرات على خاطر منعرفش الكيل تاع المكونات
بالنسبة للمسابقة تصفحت المشاركات ، بعض الصور لا تفتح عندي للأسف.
عندك قمح مقلي
حفنة حمص مقلي راهو ملييح
حفنة صغيرة عدس مرحي و كاين لي مايديروش خاطر مايحبوش
تلني مسطورة pop corn يعني مرحية
كاوكاو مرحي رقيق وأي مكسرات اخرى
يفضل تضيفيها كي تجي تعمليها
و تحتفظي بمكسرات مهشوشة للتزيين و ممكن تاني حلوة الترك تزيني بيها
درك كي تجي ديريها تحطي كمية من الزبدة و كمية من الغرس تذوبي الغرس ف الزبدة مليح فوق نار هادية
و تنحيا من النار و تضيفيلها من هاداك الخليط و المكسرات المرحية رقيق تخليها جارية شوي و تزينيها باللوز المنسل ولاا كاكاو مدقدق
انت و واش عندك و تقدم مع العسل
و اذا متحبيش الغرس اعملي عسل و لو انو الغرس احسن لاسترداد العافية بسرعة
حنا النافس تفطر عليها مع حليب و قهوة و بيض مسلوق و عصير
و كي جيو الضياف نحطولهم منها لكن الضياف بالعسل برك
شكرا أختي omsami و بارك الله فيك على الدعاء أمين انشاء الله