اللهم صلً و سلًم على سيًدنا محمد و على آل سيًدنا محمد
يا الغاليات,
نحبكم و نحب نفيدكم 
العسل البيتي اخدميه و اتهناي في العيد و ادعيلي معاك
لا فرق بينو و بين نونورس او مرجان -و خير منهم حتى 
–
ما نطولش عليكم علابالي راكم تستناو على احر من الجمر
عندك :
3 كغ سكر
1 لتر ماء
حبة صغير شب ( قدر حبة حمص)
باطة عسل ( انا نستعمل المرجان) نتاع 2,8 كغ
3 م. ك عسل حر
نبداو على بركة الله
جيبي كوكوت اغسليها مليح مليح و شليها بماء الزهر كااامل حتى تروح ريحة الطياب منها
هاذي خطوة هااامة جدا و إلا اغلي فيها ماء + ماء زهر مدة 5 د
فرغي السكر + الماء + الشب و ما تخلي السكر يطلع للحواشي باش ما يتحرقش
حطيها على النار لما يذوب السكر اغلقي عليها و خليها تغلي
و هاذي نقطة هاااااامة : لما تبدا تصفَر احسبي 8 دقائق اذا اقل تجيك سايلة اذا اكثر تجيك عاااقدة
انتبهي…
بعد 8 دقائق نحيها من على النار و خليها تبرد شوي
فرغي العسل الاصطناعي و مغارف العسل الحر و خلطي مليح و خليها تبرد
بعد ما تبرد مليح فرغيها في علب
و استعمليها بالصحة و الهنا
هاذ الكيفية من سنوات نخدم بيها و روعة كل العائلة يشكرو هاذ العسل و يخدمو بيه و الكمية تخرجلك حوالي 6 كغ
لما اصنعها اليوم او غدا إن شاء الله اضع لكم الصور
بارك الله فيك وستستفيد منه الاخوات اكيد
يعطيك الصحة سامية ,, تبقى و دايما تتكلي عليها
ربي يسعدك
حجرة بحجم حبة حمص صغيرة.. و اذا عندك مطحون معليش عينك ميزانك ما تكثريش يجيك حامض
جربيه