اانا لما تصرالي حلها في البطاطة بصح ماشي مقلية
نحكم البطاطة ونقيها بسرعة بصاحبتي تاع الكوزينة
ومنبعد ما نغسلها نقطعها خف خف بصاحبتي لخرى
ونحطها في كوكوت
ثم نروح للدجاج او اللحم حسب الموجود
ونقطعها حتى انه انا نكون دايرتها مقطعة في الكونجي لاتوغ ونحط الجاج في كوكوت مع الماء وكاس زيت وملح ونغلق عليها ونروح نجمع مع الصيفة نتاعي شوية 
وتبقى السلاطة ساهلة وواعرة يلا بغينا نحطوها بشكل جذاب
ومرة على مرة نطلو على الكيكوطات
وثم ثم نرحي لابيري ونضيفلها زبدة وحليب
والجاج نلقاوه طاب في الماء وكي ينشف الماء يتقلى فى الزيت نحطوه بصحن التقديم والمرق نتاعو نسقو به لابيري هذه لضيف معتاد علينا ماشي براني
وين راكم مزال مادخلتو ش
ندير فيريتو ملات وروطي دجاج
كما قلتي انا الجاج نتاعي دايما نطرفو ونحطو في الكونجيلاتور نجبدو ونداويه شوي كمون وثوم وملح وزيت وشوي ماء ونقفل عليه ونخليه يطيب
السلاطة ساهلة
حسب المتوفر كما هدي
اولا ندير لسوب من اسرع انواع السوب هي سوب البطاطا و الفرماج و صدر الجاج طبعا الجاج محضر من قبل و مدسوس في الكونجي لاتوغ
و ندير سلاطة مشوية فلفل و طمطيش و نزوقها ب البيض
و ندير برانية تاع حمص طايب من قبل و ليبوليتفيونداشي و دجاج محمر من الفوق مع البطاطا المقلية على اطراف الصحن
انا ندير فريت وندير المحمر انتاع دجاج كي يطيب الدجاج نحمره نقليه فالزيت
وانا دايما داسة فلفلة نقليها وندير حريرة دايما داسة البويون غير نرمي الصوالح واخير نتحصل على وما ننساش السلاطة هي الساهلة
مي راني جيعانة خلاص اسكتو