السلام عليكم و رحمة الله و بركاته
يا الغاليات,
عندي عجينة تزيين نتاع بوجدير و حبيت نستعملها في لي مول نتاع السيليكون مثل الصورة.. كيفاش نذوبها و واش نضيفلها باش تولي عجينة طرية؟؟
هاذي العجينة
شكرا مسبقا
والله عمري ما خدمت بيها ان شاء الله يفيدوك الاخوات
اهلا بنت عين صالح (مبروك الاسم الجديد الجميل)
شكرا على المرور ان شاء الله يخبروني كيف..
الاخت هاذي عجينة الفوندان والله راهي ما تبانليش مليح اذا عادت هي راهي تذوب عادي فوق النار هادية و تحرك ومن بعد رشي سكر قلاصي داخل المول و اسكبيه داخلها و حطي في الثلاجة راهي حساسة بزاف يعني كي تجي تخرجيها من المول قادرة تتكسرلك لذلك بشوية برك و يمكن ان تضيفي لها الملون تجي روعة …موالقة نخدم بها بصح صعيبة …ارجو اني نكون افدتك
سلام اختي اختي اذا كانت هاذي عجينة التزيين حطيها على النار في طاوة ما تلصقش وخليها تسخن شوي نتولي طرية ومبعد اعجنيها بالمايزينة نتولي عجينة طرية وشكلي بيها واش تحبي انا مجربتها وانشاء الله نكون افدتك
ام ريحانة يعطيك الصحة هنيتيني
قعدت مقابلتها و نسقسي فيها وش ندير ليك نتي؟؟ 
اوكي فهمتك.. الله ينصرك
روزالينا نورتي
يعني باش ما توليش تلصق في يديا نعمل المايزينة…
يعطيكم الصحة اخواتاتي ربي يفرج عليكم