اولا بالمطبخ تعرفو بلي المطبخ مليان ماعن وحوايج .انا الماعن اللي نستعملهم يوميا في كوربايه تحت البوتاجي والبوتاجي من تحت مدايرتلو رفوف وحاطه فيه جميع اللي نحتاجو .اما اللي مانحتاجوش مدايراتو في بلاكار مخبي من وقت لوقت نغسلو .اما حوايج الباهيين حاطتهم بالخزانه نتاع الكوزينه ويبانو من الكاروات .حوايج الدقيق والفرينه مدايرة 2 بطات من لكبار حاطه بيهم الدقيق والفرينه ونجبد باه مايسيحش الدقيق في الارض .حوايج الحلويات مدايره كوربايه نتاع الارفف اللي راها تتباع دك .قجر مدايرة فيه الكيسان والمغارف باه يتقاسوش لا من حشرات ولا من غبار القجر التاني مدايرة فيه الدواء ونفعتني بزاف .والقجر التالت مدايره جميع الكتب الخاصه بالطبخ وحوايج الحلوى اللي نستعملهم .القجر الرابع مدايره فيه جميع القوالب الكيسات بانواعها .اما الخامس مدايره فيه السرافط نتاع الكسرة والمسيح .
في غرفه نومي نفس الكوربايه نتاع الكوزينه بصح هذي قل منها مدايرتها داخل الخزانه رافدتلي كل قجر بحاجه قجر واضعه فيه تركوات لحم وشورطات راجلي والتاني خاص بيا بلباسي الداخلي والتالت خاص بالتقاشر والابوات .والرابع فيه حوايج التجميل نتاعي لخاطر ماخلاوليش لولاد نحط بالكوافاز حاجه .جميع قنادري وحجاباتي معلقين لحوايج الخاصين بالشتاء او الصيف مدايرتهم في ساشيا كبار ونحط عليهم صابون محكوك باش ماتجيش ريحه التخبيه .وفي وسط الخزانه مدايرة هذوك اللي نعلقو عليهم في الكوزينه في كل جهه مدايره 4 علاقات نعلق عليهم خماراتي باش مايفسدوش وحوايجي نتاع الاكسسورات البلاكيور او البلاستيك الباهيين غرفه الاولاد والبنات راني نعاني من فوضتها مع حوايج لقرايه والكراريس الا عندكم افكار نفيدو بيها بعضانا .يلا حابه تفاعل بالموضوع باش تعم الفايده .راني نستانا
كنت نكتب غير من قبيل في احد ردود
انو مكانش بيناتنا تبادل خبرات باش نستفيدو من بعض اكثر
وهذا طبعا فيما يخص الركن لراني مشرفة عليه وهو ركن تنظيم وتنظيف البيت
المهم انا كوزينتي والحمد لله منظمة الى حد كبير خاصة وانو فيها بلاكار كبير نقدر نحط فيه كلش
درتلو رفوف وكل رف فيها حاجة
مثلا لملفوق حاطة فيها اكياس كبار فيهم
سميد وكسكسي وشخشوخة وثريدة ورشتة يعني العاجائن ليابسة ومتفسدش
ولي تحتو عاملتو للبرم يعني الطناجر
ولي تحتومديرتو للقراعي تاع سعيدة على خاطر انا نشربو سعيدة يعني نشري كمية كبيرة ونخزنها
عندي تاني قجورة
ومدايرة كل قجر فيها حاجة
واحد للبطاطا والبصل
واحد للوازم القاطو
وواحد للعجائن مقارون وسباقيطي و………..
وواحد للقاطو والحلوة تاع ولادي
وواحد للسكر والملح والقهوة
المواعن تاع الاستعمال اليومي
كيما حكايتك تحت البوتاجي في رفوف خاصة
والفناجيل والصحون تاع الضياف فلي زيليمون تاع الكوزينة
هذا بخصوص المطبخ
لي عودة نكمل باقي الغرف
على هذا ماشاركتش معاكم في التنضيف
ولا في الترتيب
ادعولي ربي يفرج ونكمل البني ونصورلكم
داري قبل وبعد التشطيبات
ربي يوفقكم
تقبلو مروري