قصتك مع الحفافة 2024.

عندها عامين كي حبت للدزاير كنت دايرة لي ماش ماشي صفورة ميال واختي اصغيرة دارت بعقلي حتى قنعتني باش نديرهوم صفورة للتغيير ورحت كالمهبولة وانا اصلا ماشي مقتنعة المهم شرحتلها بلي حابة ندير شوية برك ماشي تعمرهولي قاتلي وي مدام فهمت ماتتقلقيش دارتلي البوني وانا مداري نخدمهوم بالالمنيوم لاعلينا دارتلي البخودوي وحطتني تحت الكاسك وليت نقوللها خلاص وهي تقولي مازال كي نحاتلي البوني طاح نصو في يديا جاني البكا وكي جبداتو وليت بلوندا كامل ماعرفتش روحي وشعري ولا كي الهيدورة ردتني عجب الحمدو الله كان باقيلي يومين ونولي لداري عصبت شعري بلفولارة باش مايشوفونيش وكي وليت لداري شريت باطة سبيغة وسبغتو خرج خرمن الحفافة وعندي مشكل اخر معاهوم كييعرفو بلي نعيش فالخارج لاخطرش بنت البلاد اغلبهم يعرفوني يخدمولي اكتر من الاخرين اي يغليولي السومة الله يهديهوم

حبيت برك نقصر معاكوم جبت هدي الحكاية الي صراتلي وادا اي اخت حابة تضيف تجربتها مرحبا بيها

ههههههههههههههههههههههههههههههههه ضحكتيني
انا كي تزوجت اختي دارت لون شاتن و شعرها أسود و فوقهم لي ماش
أيا قولت ندير انا ثاني شاتن (بصح انا شعري شاتن فونسي) سقسيت الحفافه قولتلها يك يخرجلي قالتلي bien sûre
كان عندي عرس تع لفامي، شعري خرج كي حبه زروديه ما نحكلكمش وووووووآآآآآآععععععع قالتلي لازم نسنى أسبوع باش تعودلي الصبيغه واش نقول لكم : في عرس ما فهموا والو كارثه ههههههههههههههههه

ههههههههههههههههههههههه تعلمو الحفافة في ريسانا مادام ولات هكدا ساهلة كامل نحلو حفافات ونهنو رواحنا ههههههههههه

حمد لله انا جامي نروح عند الحفافات
انا نصبغ لماما وانا نقطعلها شعرها وانا نجبدلها ويخرج غيرمن الحفافة

انا تاني ما نروحش للحفافة لا خاطر اضلا ما نضبغش اما من ناحية الديفخساج والسيشوار ندير كل شيء وحدي وندير لخواتاتي حتى في لعراس نخدم وحدي

ايييه هاد الحفافات راهم يديرو المنكر

والله الموضوع جا فوقته….
انا راه عندي عرس حماتي وانا شعري مايل للسواد ماشي بزاف يعني شتان فونسي
المهم قرتت نصبغ شعري صبغت شتان كلار عندي هادي تلات مرة
بصح ماتخرجش بزاف كلار راني مغلبة فلاكولار
واليوم صبغتها وخرجتلي شتان بصح اختي تقولي كي تبداي تغسليها تزيد تفتاح
واختي هي الي ركبتلي الصبغة…… والصبغة اكيسيلونت من لوريال
المهم قررت باه نبان مظهر متغير نروح عند الحفافة وديرلي لي غوفلي كراميل
ايوة واش تنصحوني نروح نديرهم ولا نخليه كيما راه
حابة حركة في شعري
نصائحكم بحكم تجاربكم
وراني قريت تجارب الاخوات خفت والله
ههه نعشي كي الخروف مخرجتني
ولا كي الجزرة هههههه
في انتظار نصائحكم

ام عبد الناصر كاين بزاف لي يتمنكروا خصوصا تكون باينتلهم فكرة يطبقوها في راسنا يا صابت يا خابت انا راني خايفة بزاف دبرت كوافوز تكوني تعرفيها هي فلسطينية و قارية في لبنان قاع شكرولي فيها روحي عندها و ديري لي غوفلي كراميل ورديلي الخبر

يعطيك الصحة حنونة على المعلومات .. الله لايخطيك علي يالحبيبة
وين جاية هادي الفلسطينية
نعتيهالي؟؟نروحلها