طولتي عليا بزاف يا زوزو ايا راني لحقتك لهنا 2024.

السلام عليكم و رحمة الله تعالى و بركاته

اختي زوزو استنيتك بزاف و ما خليتيلي حتى حل غير اني سجلت و قلت نحوس عليك "بحث في فائدة المولات" خاصة اني لقيتك داخلة
فهميني زوزو علاش هاد التطوال كامل
خاصة انه من بعد الخطوبة تاعك ما بقالك حتى سبب تأجلي ملتقانا عليه
من فضلك اختي راسليني في المنتدى كي بكري راني نستنى فيك

hbiba samhili 3la tadakhoul mais maylikch thki kma haka sure mskina 3adha kach inchighalat ( itakhid li akhika 70 3oudr) hadi denya hbiba rahi f 2 jours madkhletch lhna alors balak kachma 3adha rabi yjib lkhir wkhlass ana je fais une confiance totale a zouzou rabi yraja3ha bslama

اهلا بيك اختي و ما كان لا تدخل لا والو رانا كي خواتات و انا نحب من ينصحني و انت مشكورة على النصيحة
و نقولك انا والله ما ضنيت السوء من زوزو بلعكس راهي مفضلة على راسي و استحملتني بزاف في التخيار و انا عن نفسي استحملت التطوال
بصح من 3 او 4 ايام تفاهمنا نتلقاو و انا خبرت مول الدار و راهو درك ياكل فيا من عينيا تقولشي السلعة كون ماتجيش راح نضيعو بالشر او نتعراو
على هك راني نزرب في زوزو باش نقص المشاكل على روحي برك
اما الضن فيا اختي انا عمري ماضنيت السوء بأحد و ديما شعاري نبات على غيضة و مانباتش على ندامة يعني ندك فيا الغش و ما نبادلش الناس بالسوء
و عموما زوزو نعرفها و تعرفني مابيناتناش ضن السوء خلاص و على رايك ربي يطمنا عليها و تفكني من تكسار الراس

السلام عليكم اختي اريج المسك اسمك رااائع واكيد قلبك اروع شوفي حبيبتي اسمحيلي ادا تعتبريه تدخل مني فقط بغيت نطمنك الاخت زهرة اكيد عندها ظروووف متسمحش بتواصلها معنا متخافيش على سلعتك بالعكس كوني مهنية طول انا تعاملت معها وحدث تاخر لكن والله لازم نعدرو بعضانا اختي كل واحد وظروفه طمني حبيبتي والله ما كان الا الخير زهرة شهادتي فيها مجروحة راها قمة في الامانة والتقة وحسن التعامل اصبري شوية ومايكون الا الخييير وفي المقبل ربي يكون في عونها انا نعرف انو راهي تتعب بزااااااااااااااااااااااااااااااااااااااف لارضاء الجميع ربي يعينها ياارب ومتزعفيش من تدخلي في موضوعك بصح كلمات كانت فقلبي كان لازم نقولها اختي

شكرا اختي على ردك الطيب
والله راني نغبط زوزو على حب الناس ليها و في نفس الوقت حشمت من روحي على وش كتبت
لكن والله انه عذري ربي الي عالم بيه راني كتبته في ردي في المشاركة الثانية و راهو بسبب رب البيت راهو تنرفز عليا و راكي عارفة الرجال كي يحبو بشرشو وش يعودو يديرو

يا سيدي سامحوني الي قلقتكم و ازعجتكم

و طبعا زوزو راهي فوق كل شك ولكن وش نقولك ياريت يا زوزو تجي و تهنيني من الحس و من تأنيب الضمير الي ركبتو لروحي

لا حبيبتي والله مازعفتينا حنا بغينا برك نطمنوك اختي هادا ماكان وراني عادراتك انت تاني راني نعرف الرجال معندهمش صبر كيما احنااا بشوية برك حبيبتي اعرفي كيفاش تصبريه وادا عندك رقم زهرة كلميها هكدااا ترتاحي وتطمني ويطمن زوجك

نشكرك كثير كثير اختي بسمة على كلامك الطيب
و للأسف ماعنديش رقم زوزو و نقولك الصح حتى لو عندي مانقدرش نكلمها لأني مانحبش نزعج الناس
عموما راهي دارت فيا زوزو مزية الي خلاتني نكتشف هاد المنتدى الرائع و الي عرفتني باخت طيبة مثلك
ربي يبارك فيك عزيزتي و ينولك ماراكي طالبة

مرحبا بك اختي ان شاء الله تدخل زهرة وطمنك اختي ربي يهنيك وغير بشوي هدي زوجك وفهميه انا لا علاقة لي بالامور التجارية بين العضوة والتاجرة لكن فقط حبيت نقولك خير ان شاء الله ماتقلقيش روحك

صبر جميل أختي الطيبه نتي معدورة و هي معدوره ان شاء الله تتحل الأمور و زهره كيما سبقوني الاخوات الطيبات راهي في القمه قولا و فعلا و هي اخت عزيزة عليا و ربي لعالم ربي يرجعها بالسلاامه تحياتي ليك أخيه 🙂