طلب مساعدة 2024.

إذا راكي رايحة اديريها قلاصاج للحلويات ديريها في حمام مريم و ضيفيلها القليل من الزبدة و الحليب حسب كمية الشكولاطة اللي عندك أو ضيفيلها الماء بدل الحليب
و إذا رايحة اديريها للتورتات فاستعملي كريمة القناش أحسن و هي 200غ شكولاطة قطع و 200 مل كريمة طازجة
حطي الكريمة في كسرونة فوق النار لما تبدأ تغلي ضفيلها كمية الشكولاطة و حركي بملعقة أو سباتولا

حبيبتي سميرة على حساب علمي كل الشكلاط يذوب على حمام ماري ويضاف اليع شيئ من الزبدة او الزيت يسير للمعان فقط او توضع في اناء على نار هادئة جدا وتظاف اليها ملعة فقط من الماء مع التحريك طبعا
كاين انواع من الشكلاط اصلا ما هيش جيدة للطلاء او التغليف

موفقة حبيبتي مع باقي اراء عظواتنا المحترفات….

شكرا ايمان و ام حسني

انا دوما ندوبها في بان ماري
لكن هذا النوع لي تباع بلاكات مستطيلة و كبار ما يصلحش يبقا صعب للتغليف
و لما نضيفلو ثليل من الحليب او الماء كارثة ينفصل عن الزبدة لي فيه و ترجع الزبدة تعوم
و الله مافهمت

سلام حبيبتي سميرة
مين ولات كيما هاك اكيد هاذ النوع من الشيكولا راه مشحم و يكون مجرد تقليد للاصلي
انا في العادة نضيف الماء و لا الحليب
في الاول تلاحظيها يبست لكن مع التحريك السريع ترجع سائلة و تلمع و حتى اللون تاعها يتغير من الفاتح الى الداكن
حاولي تغيري نوع الشكلاك اللي راكي تستعمليه

شكرا ام يوسف
يمكن هذا هو السبب
اذا سوء حظي دايما نشري المغشوش

عندما تحطي الشوكولا في بان ماري حطي مباشرة معاها شوية حليب وحركي نشاله ثصلحلك

انا موالفة نزيد لها الحليب و جي سواسوة