طلب مساعدة من الامهات 2024.

سبحان الله 9 مشاهدات ولاااااا رد ؟؟؟؟

لوكان موضوع في الاناقة واللباس لكان الجميع ابدى رايه حتى وان لم يكن خبيرا ولا على معرفة

ياريت لو كان مجرد دعاء بالشفاء

للاسف ……………………

أختي لا تقلقي حتى المواضيع الهامة قد لا تلقى اهتماما شفاك الله اخيتي …..لكن لم تخبرينا هل لديك تشققات ام من أين ينزل الدم ؟؟؟؟

ربي اشافيك اختي ليس لي علم لم أجربها لكن إن شاء الله الأخوات يفيدوك لا تقلقي مسألة وقت و إن شاء الله تجدين الجواب الكافي ربي معاك

ربي يشفيك اختي انا ثاني في ولادتي الاولى عانيت من التشققات لازم اولا تحافظي على نظافتهم يعني قبل ما ترضعي و بعد ما توضعي اي كرام تغسليهم مليح وتخليهم رطبين ديري كمادات نتاع زيت زيتون فوقهم باه يبقاو رطب انا كنت نعسر حليب من جهة ونمسح بيه الجهة الثانية من الستر اي حاجة يقولولك عليها تجربيها وهي طول باه تتنحا عليك بصح ابقاي رضعي راهي فترة وتعدي واشري حلمات نتاع بلاستيك يتباعو عند الصيدلية تحطيهم على راس الصدر قبل لا ترضعي يعاونك شوي

عزيزتي الف مبروك وربي يكملك
فيما يخص استفسارك انا ايضا حصل لي نفس الشئ لكن والحمد لله انتهت مشكلتي بعد استعمالي لهته المواد التي سوف اذكرها لك
قبل البدء بالارضاع اضغطي على ثديك ليخرج القليل من الحليب قومي بمسح الرؤوس بذلك الحليب لانه جد مفيد ويحتوي على مواد مطهرة
اثناء الارضاع انا استعملت الرؤوس البلاستيكية بالتحديد هذه هي الماركة لي شريتها من عند الصيدلية وما تتصوريش كيفاه نفعتني لكن اختي ما تستعمليهاش عند كل ارضاع لانو الرضيع يوالفها
عند النتهاء من الارضاع وضع كمادات دهنية مثل هذه
وفوقها اضع الكمادات القطنية للارضاع
ولا تنسي عزيزتي قبل كل ارضاع عليك غسل الاثداء وتعقيمها بحليبك واذا كان هناك دم لا تقومي بالارضاع حتى يختفي
اعود الى تجربتي لما شفيت توقفت عن المواد السابقة معدا الكمادات القطنية
وفي اليل اخد دش ثم اضع هذه الكريمة

والحمد لله واصلت الارضاع وبنتي كبرت بصحة جيدة شتاء كامل لم تمرض رغم اني نخرجها حتى في الثلج
واصلي اختي اجرك على الله لكن لازم المداومة حتى تبراي
وما تنسايش تاخذي راي الصيدلي قبل استعمال اي مادة

حبيبتي مريومة بالشفا عليك و طهورا إن شاء الله
و الله ما علابالي و ما عندي حتى تجربة لوكان سقسيتي تحقيق الامل هي تعرف في هذه الأمور
ربي يشافيك حنونة و ربي يخليلك البنوتات

جزاكن الله خيرا على النصائح والدعوات

بارك الله فيك اختي فايزة لاكرام لي حطيتي في اخر صورة نفسها لي استعلمتها ولكن دون نتيجة
اما الرضعات البلاستيكية خفت نديرهم لاني صديقتي بعد ماتعودت عليهم ماقدرتش تستغنى عليهم وبقى الالم مصاحب كل ماترضع وفي الاخير توقفت عن الرضاعة الطبيعية

جزاك الله خيرا الحليب راني ندهن به مازال نزيد الزيت ربي يحفظك ويخليلك ميرال

امين يا لغالية تسلميلي عندك حق ان شاء الله نتصل بها وتفيدني بخبرتها

ربي يحفظك و يصلح لك اروى وتشوفيها احلى عروس