مسا الخير ارجو انك تعطيني و
صفة البتي فور و تكون مجربة مشكوووووووورة
لكن مازال وحدة ماجربتهاش قالت اخت انها متل اللي يباع في محلات الحلويات هاهي ليك
كما كتبتها الاخت
المقادير
500 غ مارغري لابال + 650 غ سكر قلاصي + 5 بيض + كيلو و 200غ فرينة + لفاني + عطر القارص
ذوبي المارغرين بيدك ضيفلها السكر و خلطي بالباتور حتى يمتزج الخليط مليح ثم ضفي البيض بالحبة و خلطي بالباتور ثم الحبة الاخرى و خلطي و هكذا حتى تكملي البيض كامل ثم حطيلهم خليط الفرينة و لفاني و خلطي بيدك حتى يولي عجينة طرية شوية ثم سخني الفور و خرجي ب لابوش أدوي الشكل اللي تحبيه طويل أو التاج و دخليه للفور تحبي طيبيه أبيض و إذا حبيتي حمريه شوية و لصقي بالكونفيتور أو لاجولي زوج زوج
إذا حبيتي شكولا نقص مقدار من الفرينة و عوضيه بالكاكاو ( المقدار اللي تنحيه من الفرينة نفسه عوضيه كاكاو )
أسرار نجاح هذه الوصفة :
ضفي في الأول كيلو فرينة برك و طيبي حبة واحدة برك إذا بقى الشكل كيما دخلتيه كي كان عجينة أي بقاو الخطوط أعرفي بلي يكفي الفرينة و إذا تخسر زدي الفرينة
* الصينية لا تدهن و لا ترش
* سخني الفور كي تكوني قريب تكملي خلطه و طيبيه ثم ثم
* لا تضعي الخميرة
تقدري جربي نصف الكمية اقسمي كلش على زوج ( البيض ديري 2 و نص حبة مضربة)
شهية طيبة جربوه ماتندموش
شوفي انتي جيبي فرينة خاصة بالحلويات راهي موجودة واكيد متعوددة ديري الحلويات
وفي مكان لابال ديري زبدة الي عندك وعارفة انها نوعية مليحة
اما التشكيل احسن شي تستعملي oche à douille
بالتوفيق ان شاء الله
تالمو راني حاستكم كيما عايلتي جابلي ربي كلي قاع علابالكم ههههه سمحيلي مرة ثانية والله يجازيكم خيرا على هذ لمنتدى الاكثر من الرائع