/images/1152021691_a5.gif)
سلام لبنات واش راكم؟؟
اليوم مشاركتي الثانية في المسابقة هي عبارة عن:
سويس رول بلاجولي تاع البرتقال
بما ان المطلوب كان فاكهة الموسم انا اليوم حبيت نورلكم طريقة صنع la gelée تاع البرتقال
المقادير:
5 حبات برتقال تعصريهم وتصفيهم
تزيديلهم 250غ سكر عادي
و250غ زبدة لابال مقطعة قطع صغيرة
وربع حبات بيض
تخلطي كلشي مع بعض وحطيهم في بان ماري
واقعدي غير تحركي حتى يثقال ومتتوقفيش خاطرش يطيب البيض
ولما تشوفيها ثقالت ورجعت متجانسة خليها تبرد بجيها هاد الكمية كبيرة ديريها في علبة وحطيها في المجمد لما تحتاجيها اجبديها
عذرا مصورتش هاد المرحلة لانو انا كنت دايرتها من قبل
نجيو الان لمقادير وطريقة تحضير السيوس رول
المقادير:
5 حبات بيض
140غ فرينة
140غ سكر
ملعقة صغيرة فانيليا
ملعقة لاروم تاع البرتقال وزازت تاع البرتقال
التحضير
اولا نسخن الفرن
ونحضر الصينية ونغلفها بورق المطبخ
نخفق البيض مع السكر مليح مليح مليح حتى يزيد الحجم تاعو نزيدلو لاروم والزازت ونخلط
من بعد نزيد الفرينة والفاني ونخلط برفق
ثم نفرشها في الصينية ونسقمها مليح بلاسباتولا
ونطيبها مرايحاش تاخد وقت بزاف حوالي 10 دقائق لكن عسيها لان كل وحدة والفرن تاعها
لما يطيب البسكوي تاعنا نقلبو مباشرة فوق طرشونة مشمخة ومرشوشة بالسكر العادي ونتخلص من ورق المطبخ ونروليه عادي ونخليه بجهة حوالي 5 دقائق في هاداك الوقت نحضرو لاجولي تاعنا وشوكولا نوتيلا
نعاودو نولو للبسكوي تاعنا
نحلوه ونشربوه بعصير برتقالة او ممكن تستعملي عصير واجد
من بعد نخلط لاجولي تاعنا مع شوكولا نوتيلا وندهن بيها البسكوي تاعنا ونلفو عادي
ونزينوه بخيوط بالشوكولا
وبالصحة والهنا
ونحكيلكمش على ذوق البرتقال بالشوكولا امم يا سلام
:1179070049 0:
واش رايكم احبتي؟
وممكن ايضا تخدمو لا جولي تاع السيترون فقط تعوضو البرتقال بالقارص بصح ديرو فقط 4 حبات مع 250 غ سكر لانها تجي قاااااارصة
والى الملتقى بحول الله
نضن انا اول واحدة تدخل ندي داك الطرف
نموت عليه…مممممممم سخفتيني
شكرًا للوصفة و موفقة اختي
موفقة ان شاء الله
فلة انت ولا حاذقة
تسلم الايادي واحلى تقيييييييييييييييم تشجيعا لك وللمثابرة
احببت كثيرا وصفاتك
دمت متالقة
بالتوفيق