السلام عليكم ورحمة الله وبركاته
مرحبا بنات انا عندي مناسبة بنت جارتي ربحت الباك
مرحبا بنات انا عندي مناسبة بنت جارتي ربحت الباك
ولازمني نروح نهني وانا ولا مرة روحت هههههههههههههههههههه نهني حد بنجاح اولادهم اول مرة 
وماعرفتش واش يدوا هدايا لناجحين بالباك افيدوني والله دايخة وماعرفت واش نشريلها البنت
تاكلة عليكم يالفحلات
أهلا حبيبتي، أنا نظن وحدة كي تجيب باك و تروح للجامعة لازملها تروسو وانتي خيري واش يساعدك و شريلها: زويجة دراوات (des draps)، سرابت (serviettes)، بيجامة (pyjama et sous vêtements)و ثياب داخلية، مستحضرات كالصابون و العطر (trousse de toilette)……
اممممممممممممممممم بصح معرفتي بهم يعني سطحية
البيجاما مستبعدة نهائيا لان عارفة تفكيرهم
الاختيارات التانية شوية
زيديلي انتي واش تدي معاك هههههههههههههههههههههه نهبلكم اليوم
البيجاما مستبعدة نهائيا لان عارفة تفكيرهم
الاختيارات التانية شوية
زيديلي انتي واش تدي معاك هههههههههههههههههههههه نهبلكم اليوم
هههههههه، نور أختي، رانا هنا باش نتعاونو..و معليش نهبلو كيف كيف……
شوفي أنا نهار جبت الباك واش جابولي و دبري راسك: روايح، صابونات، مناديل، سرابت، روبات تاع دار، رافاي باش نود بكري، ساعة يد، bijoux de fantaisie ، و كاين اللي جابو برك سكر، قاطو، مشروبات و مدولي دراهم…..
شوفي أنا نهار جبت الباك واش جابولي و دبري راسك: روايح، صابونات، مناديل، سرابت، روبات تاع دار، رافاي باش نود بكري، ساعة يد، bijoux de fantaisie ، و كاين اللي جابو برك سكر، قاطو، مشروبات و مدولي دراهم…..
ايوا هاكدا نحب الافكار بزاف انا مدية مدية القاطوا لان الصحن الشخشوخة راه عندي هههههههههههههههههه لازم نرجعهولها بالقاطوا
فكرت نمدلها دراهم وتشري على ذوقها واش رايك
انا حتى اختي مديتلها دراهم لان كل بنت وذوقها احسن ما نشري حاجة تترمى
فكرت نمدلها دراهم وتشري على ذوقها واش رايك
انا حتى اختي مديتلها دراهم لان كل بنت وذوقها احسن ما نشري حاجة تترمى
و أحسنت الاختيار حبيبتي…
حتى أنا ننصحك نور بالدراهم لأنها تساعد وكل واحدة وذوقها
وممكن ليك تختاري أيضا هدية
أنا مديت لواحدةساعة يد وأخرى ألبوم شباب نتاع الصور وكل هدية حطيت معاها مصحف صغير للجيب
أما ابن حمايا فنعطيه الدراهم أوعمو قاللي نشريلو محفظة خاصة بطلاب الجامعة
وممكن ليك تختاري أيضا هدية
أنا مديت لواحدةساعة يد وأخرى ألبوم شباب نتاع الصور وكل هدية حطيت معاها مصحف صغير للجيب
أما ابن حمايا فنعطيه الدراهم أوعمو قاللي نشريلو محفظة خاصة بطلاب الجامعة
جابلي ربي نمدلها دراهم ونهني راسي هههههههههههههههههههه
مدام ناس يمدوا دراهم عادي
يعطيك الصحة كروان انا سقسيت لان تاني ناس مانروحلهمش ولا يجوني غير لما تكون مناسبة مع ان جيراني بصح كل واحد وحدوا
مدام ناس يمدوا دراهم عادي
يعطيك الصحة كروان انا سقسيت لان تاني ناس مانروحلهمش ولا يجوني غير لما تكون مناسبة مع ان جيراني بصح كل واحد وحدوا
ماعليش هناء تطفل
شحال من عادتكم في المنطقة تمدو الدراهم للمباركة
شحال من عادتكم في المنطقة تمدو الدراهم للمباركة
والله يا كروان صدقيني مانيش عارفة لان ولا مرة مشيت لحد وبالعادة ماما هي لتمشي تهني وتدي معاها سكر والحلويات وهدية بصح دراهم والله ماني عارفة