سؤال محيرني لنساء المنتدى اللي عندهم خبرة تجربة 2024.

السلام عليكم : أرجو أن تكونوا بأفضل حال ، عندي سؤال محيرني ، بعدما درت إجهاض بقى يسيل عليا الدم مدة 20 يوم تقريبا ، ثم صفيت تقريبا مدة 12 يوم و رجعت نصلّي عادي ، بعدها سالت عليا دماء غزيرة ، تقلقت و كي سألت قالولي عادي مازلت ما صفيتيش مليح ، لازم حتى تفوتي الربعين ، و بقى هذاك الدم دون توقف ، و بدون أية آلام ، و ماكنتش منتبهة للوقت كي جيت نحسب نلقى باللي عندي 20 يوم بلاما يتوقف الدم ، حتى الجمعة هذي اللي فاتت خف شوي ، بقيت مقلقة عيطت للممرضة حكمتلي موعد نهار الاربعاء 06 /11 خاطر نخدم الايام الجاية ، واش راح يصبرني الله يجازيكم خير قولولي من مرت بنفس التجربة ؟ و هل طول هذه المدة يُعتبر عادي ؟ أرجوكم طمنوني حتى نروح للطبيبة .

السلام عليكم و رحمة الله تعالى و بركاته
ما عنديش تجربة و ان شاء الله يفيدوك الاخوات
ان شاء الله ما يكون غير الخير و ربي يحفظك

انا يا اختي اجهضت في شهر ونص والدم بقا عليا تقريبا عشرة ايام فقط
لكن يقولوا بالي الاجهاض كيما النفاس
وانت في اي شهر اجهضتي وما عملتيش curetage

اختى انا تانى من قل اجهضت فى الشهر الرابع وصارلى كما انت
نزلى الدم غير 7 ايام ومن بعد نشفت وعاود نزلى وكل مرة ننشف ويعاود ينزلى وقالولى ه>ا شيء عادى
وكما قالت الاخت الاجهاض كما نفاس

وان شاء الله ربى يطمنك ويعوض عليك

عادي حببتي لا تخافي بالعكس هكذا باش الرحم ينظف ويتهئء للحمل مرة اخرى عليك العافيةحببتي

بارك الله فيكم حميعا على الردود و التفاعل الحميل ، انا رحت medecin ، و قاتلي ديري BHCG تحليل الحمل ، لانه ممكن نكون هزيت بالحمل ، و احهضت مرة أخرى ؟ ( لا حول و لا قوة إلا بالله ، نعمل التحليل إذاكان مرتفع شويا يعني كنت حامل و نردلكم الخبر، je suis sous le choc

ان شاء الله خير بصح نظن كي اجهضت طبيعي ص راتلك هكدا يطيح بالشوية و راني نستنى معاك في النتيجة ان شاء الله خير ماتنسايش تاكلي مليح تعود تحكمك لانيمي لاقدر الله

rabi yakhlef aliki mara jaya

nchalleh w tafarhi batfayel yhabel ki lyoum

athalay f rouhek w kouli mlih

السلام عليكم حبيباتي جميعا ، راني درت التحليل بعد جهد جهيد ، كل يوم نروح للمخبر و ما نعملش التحليل ، نقعد ننتظر وقت طويل بسبب الغاشي ، و كل مرة مانديرش لسبب ما، ضاعت أيام الراحة تيعي في البيت باطل ، المهم النتيجة كما تعلمون سلبية ، كان الرقم : 0,65 ، بعد الاتصال بالطبيبة بالهاتف قالت :
أولا : عملت التحليل متأخر ؛ لأني إذا كنت فعلا أجهضت فيكون قد مرّ على الإجهاض 3 أسابيع ، و في هذا الوقت لا يبقى هرمون الحمل خاصة أن الإجهاض كان في مرحلة مبكرة جدا .
ثانيا : الرقم وراء الصفر (الجميل) يدل على وجود شيء ما ؛ لأني المرة السابقة لما كان التحليل سالب كان الرقم 0,10 ؛ و لم يثبت شئ بقي الاحتمال قائما ، إن ثبوت أنني أجهضت تعني الكثير ، يعني أنه صار بإمكاني الحمل بطريقة عادية ، و هذا إنجاز و تغير عظيم ، ادعولي جميعا الله يفرحكم

الله يشافيك و يعافيك
و ربي يعوضك انشاء الله
انا تاني آفورتيت فالشهر الرابع و قعدت فالدار
محبيتش نروح للطبيب، خفت من الكيرتاج حتى لحقتلي لانيمي ل 3 من الدم اللي خرجليي
وصلت للكوما سمانة كاملة
ماتفرطيش في روحك و بحار على الخدمة المهم صحتك
انا حملت بعدها بعد 7 اشهر و جبت منذر ربي يحفظو
و لعقيبة ليك نشالله تفرحي بولادك