السلام عليكم
البساطات هي شغلي الشاغل هذه الايام وعندي رغبة كبيرة في اني نتعلمها
لكن مشكلتي هي اني لا أعرف القياسات
البساطات هي شغلي الشاغل هذه الايام وعندي رغبة كبيرة في اني نتعلمها
لكن مشكلتي هي اني لا أعرف القياسات
فرجاءا من كل عضوة تتقن هذا النوع من الخياطة
تجاوبني على هذه الأسئلة
شحال يلزمني قماش ككل ؟؟؟؟
الخشبة اللي تخدمي عليها البساط وشحال لازم يكون طولها وعرضها
ما هو الوقت اللازم لإنجاز بساط واحد؟؟؟؟؟
كيفاش نلصق الكوردو ؟؟؟؟ وبأي طريقة ؟؟؟؟؟؟؟؟؟؟
والطريقة اللي نستعملها أو نتبعها باش نرسم رشمات متناسقة على الجريدة أو أي ورق أخر
ياريت لو كان تعطوني الطريقة أو القاعدة اللي تتبعوها باه ترسمو الرشمات ؟؟؟؟؟؟؟؟
أنا في انتظار ردودكن
ولكم مني أطيب الأماني
الله يسهلك ميما
نضن كاينة هنا ام محمد العربي ولا ام ضياء والله ما عقلت هي تخيطهم
ان شاء الله يعاونوك فيهم
نضن كاينة هنا ام محمد العربي ولا ام ضياء والله ما عقلت هي تخيطهم
ان شاء الله يعاونوك فيهم
إن شاء الله الأخوات يعاونوك
حسبتك نسقسي على العضوة خياطة البساطات ههههه
هي تقدر تساعدك وراهي ما تبانش خلاص
هي تقدر تساعدك وراهي ما تبانش خلاص
اسعدني مرروركن
في انتظار الرد من المختصات
في انتظار الرد من المختصات
اهلًا اختي عندنا في المنتدى ام محمد امين متخصصة في هذا المجال ممكن تتصلي بيها و تفيدك اكثر
خياطة بساطات
خياطة بساطات
انشاء الله يكونو فادوك لبنات ربي يسهلك انشاء الله
تحتاجي 6متر مدة عمل يومين على الاقل لوحة 2.5 طول و1.5 عرض
ان شا ء الله يفيدوك الاخوات
و ممكن تتصلي بالاخت ام محمد امين
و ممكن تتصلي بالاخت ام محمد امين
السلام عليكم شوفي ختي كاين 2نواع من لبساطات نوع محلول نشبحوبيه يهز6 مطرات 4لون مثلا زرق و2بيض تبعي معايا نفهمك كيما انا عندي كادر قديم شتي الباب الي عندكم فالدار تقدري تهزي علية المقاسات وتخدمي كادر تزيديلو لوحة من تحت اولي كادر مستطيل حطي الكادر تاعك في الارض تجيبي مسامر صغار تظربيهم فالكادر المسمار كتظربية فالكادر دخلي نص برك مدخلهش كامل تكون المسافة بين مسمار ومسمار 10سم اهزلك مثلا40مسمار كتكملي لمسامر تجيبى لقماش تاعك 2 مطرات نبداو نركبو شوفي العرض تاع الكادر شدى لقماش من الجوانب في زوج ركبيهم مثلا بدينا نركبو من فوق ادا عندك واحد اركب معاك باه انت تجبدي لقماش على جهة وهو على جهة باه اجيك لقماش مزير لازم تجبدي لقماش مليح كتركبي تجبدى لقماش مليح قد ما قدرتي تحاولى ادخلية كاخل المسمار كتكملي لقماش الاول تجيبي البونج تاعك وادا حابة تزيدي لوات كيما تحبي تحطيهم فنص فوق لقماش هادو ميلسقوش يتحطو برك ظرك تجيبي لقماش لبيض الي فيه 2مطرات تركبيه كيما ركبتي لقماش الاول تحاولي تجبدي لقماش مليح باه اشد البونج ظرك تزيدي لقماش الخر فيه2مطرات تركبيه بنفس الطريقة ظرك كملنا بقالك تحطي الرشمة تجيبي مسطرة وقلم تبداي تخلي مسافة 3او 4 سم على الجوانب تحطي المسطرة على الحدود تاع البونج تحسي بيدك وين الحق وتسطري يعني ترسمي مستطيل 3او4سم تخليهم من البونج ظرك تحددي المنتصف تاع الجوانب الاربعة باه تجيك الرشمة فالنص اما على الرشمة مثلا تهزي وردة ترسميها على الجريدة ومن بعد تقصيها حطيها فوق لقماش ديري حسابك ورسميها بالقلم خيري الرشمة الي تحبي ظرك كملنا بقات الخدمة تاعو شوفي حنونة تجيبي كوطة تاع لحرير وبرة الكادر توقفيه مع الحيط وتبداي تخدمي تشدي الكوردو بدبابيس وتبداي بشويا تبعي الرشمة تاعك وكتكملي الوردة تاعك تشدي الكوردو تحرقيه بلبريكى هاكدا تكوني كملتي الوردة تاعك بنفس الطريقة تكملي الباقي كتكملي كل شي تنحي لبساط على لمسامر مكلاه تنحي لمسامر لخطرة الجاية تلقاي لمسامر مركبين ظرك تخيطي الجوانب ياخي على الاول خلينا 3او 4سم من البونج خيطهم عادي كتكملي خياطة تجيبى مقص تبداي تقصي الوردة من الداخل يظهرلك قماش بيض تقصي الرشمة الي حطتيها كامل ظرك تكونى كملتي لبساط تاعك ميدلكش وقت بزاف على حساب الرشمة الي حطتيها ادا معمرة ولا لالا انا نخدم فية يومين حنونة سمحيلى مانعرفش الطريقة كيفاه نحط الصور انا جديدة لوكان نعرف نفهمك مليح والخطوات بالصور للاسف ماعليش اذا قدرت كاش خطرة نفهمك مليح