يسلم عليكم رغيف العجيب و يقلكم
هذا رغيف رااائع يتاكل من الطاجين ما يقعدش و خاصة اذا كان سخون كل ما نجي نصورو باش نحطو في المنتدى ما يخلونيش نلتقط الصورة الاخيرة 
المهم قالك : دقيق و نخدعوه بشويييية فرينة و ملح و ماء في العجانة 15 دقيقة تولي عجينة طرية بين عجينة الخبز و عجينة المسمن (المعارك)
نخلوها ترتاح نص ساعة و من بعد ندير لكل رغيفة 4 كرات وحدة كبيرة و 3 صغيرات
نحل الكبيرة شوي بالفرينة و نحل لوخرين و ندهن بالزيت و نحط الاقراص وحدة ورا الاخرى و دايما ندهن بالزيت
نجمعهم و نحاول نخلي الهوا يدخل نشد مليييح باش ما يخرجش الزيت
و نحلها بالفرينة حاولي تحليها رقيقة ..
انتبهن للفقاعات اللي تخرج و تروح للاطراف نرجعها لا نريد ان نفقدها
و الى طاجين حديد ثقييييل و سخون نار متوسطة مش ناقصة انتبهن
هاي بدات تخرج في الفقاعات اللي نحبهم 
هاذو يخلوها تتورق
بعد ما طاب رغيفنا ..
وهاي قطعة مورقة يممي و خفيفة و خاصة و هي سخونة و تطليها بجبن كيري délice يميييي أو ديريها خبز للشوارما .. و مع الحميص تروحي لعالم الاحلام.. 
شكرا على المتابعة ان شاء الله تجربوه..
اول مرة نشوف الوصفة تبااااااان بنيييينة
سخفتيني ان شاء الله نجربو
بارك الله فيك
بصحتكم
سخفتييييييييييينيييييييييي
يعطيييييييييييييييك الصحه
شكرا على التقييم ننتظر تجاربكم وش تقول..
أم محمد حسان ما لقيتيتيش زعما
