ف واحد الخطرة ضربني بليس و قلت انحي الشعر من وجهي
و قلت نستعمل البومادة ساهلة و مافيهاش الشكيل بزاف
أيّا ختكم القافزة آPـــليكتها ففيــGـــورتي و مالحقتش زوج
دقايق حتى حسيت بالنار شاعلة ف وجهي امشيت نجري
غسلتْ وجهي و نشفته و قابلتْ لمرايا لقيت وجهي
آآآآآآآآآآآآآآآحمر فيسع درتله العسل الحر شي خمس سوايع
و اللا أكثر كي جآ الليل غسلت وجي و دهنته بالفازلين و رحت رقدت و الصبح رحت لمرايا و نلقآ الكارثة تحت عينيآ اتسلخو
ابكيت و اهبلت و قطعتْ شعري يابردي و يا وخذي و هآحيْ
واش هاذ المصيبة يا ربي شوية و رجعت لعقلي قلت الشّح فيّا
أنا اللي ظلمت … المهم استغفرتْ مولآنآ و رحت للسكايب انتاعي
استنجدْ بشقيقآتنآ المروكيات تعرفوهم الله ايبارك ايطيروا ف الخلطات المهم طحت ف وحدة ظريفة قاتلي نعطيك وصفة هايلة
تبعيها برك و ما تعجزيش و هذاك مادرت كي الأمر يتوقف على الفصاد كل شي يهون و الوصفة هي كالآتي:
بسم الله
حفنة صغيرة حمص
حفنة صغيرة فول مقشّر
نطحنوهم ملييييح
نكسروا عليهم بيضة
نخلطوهم مليح ت يولو كي لعجينة و نبسطها كي الخبزة
رقيقة و نحطوها تيبس ف الشمس كي تفوت 24 ساعة
تكون يبست نعاودو مطحنوها و نتحصلوا على هاذي البودرة
حطيتهم ف قابسة و كل ما نبغي نستعمل ندّي كمية
نخلطها بالليم و نديرها لوجهي حتى تنشف و نقشرها
و الله غي حسيت بالفرق من أول استعمال
نستعملها مرة ف الأسبوع و نوع بشرتي عادية
و اللي بشرتها جافة بزاف تزيد ما الورد
تجربتي الخاصة و الموضوع حصري على حواء الجزائر
نجربها بحول الله
يعطيك الصحة
انا خطرى درت العسل مع خل التفاح في وجهي وخرجت للحوش
مقابله الشمس ارواحي طلي عليا من بعد هههههه وجهي حمررررر
ويحرقني حتى قعدت نديرله لاقلاس
مشكوووره حبيبتي على الوصفه ان شاء الله نجربها
وصفة محرزي كيما يقولو تاع لبنان هههه
يعطيك الصحة حبيبتي
غادي نجربه
انشاء الله